යුද්ධයෙන් මියගිය දෙමළ ජනතාව සිහිකිරීම සදහා උතුරේ ස්ථාන කිහිපයක අද විවිධ සැමරුම් වැඩසටහන් සංවිධානය කර ඇත.
ප්‍රධාන සැමරුම උතුරු පළාත් ප්‍රධාන ඇමති සී.වී. විග්නේෂ්වරන්ගේ මූලිකත්වයෙන් මුලිලිවයික්කාල්හිදී පැවැත්විණි. ඒ සදහා දෙමළ සන්ධානය නියෝජනය කරන දේශාපලඥයන්ද සහභාගී වී සිටියහ.
මේ අතර යාපනය විශ්වවිද්‍යාලයේ සිසුන් යාපනයේ මාර්ග සම්පූර්ණයෙන් වසා දමමින් මියගිය වැසියන් සිහිපත් කිරීමට එක්ව සිටි අතර, ශබ්ද විකාශන යන්ත්‍ර මගින් යාපනය නගරය පුරා ශෝක ගීත වාදනය කිරීමටද ඔවුන් කටයුතු කර ඇත.
මුලතිව් නගරයේ කඩ සාප්පු සියල්ල වසා දමමින් හර්තාලයක්ද ක්‍රියාත්මක කර ඇත.
