සිංහ ලේ, දෙම ලේ, මුස්ලිම් ලේ ආදී වශයෙන් වූ විවිධ ජාතිවාදී අවතාර තවදුරටත් අප අතර පවතින බව මුදල් හා ජනමාධ්‍ය අමාත්‍ය මංගල සමරවීර මහතා පවසයි.
අමාත්‍යවරයා මේ බව කියා සිටියේ සහකාර රේගු අධිකාරීවරුන් 68 දෙනෙකුට පත්වීම් ලිපි ප්‍රදානය කිරීම සඳහා පසුගිය 24දා මුදල් අමාත්‍යාංශයේ පැවති උත්සවයකදීය. එහිදී, වැඩිදුරටත් අදහස් දැක්වූ අමාත්‍යවරයා,
“සංහිඳියාව රටේ සංවර්ධනයට අත්‍යවශ්‍ය සාධකයක්. සිංහල, දෙමළ, මුස්ලිම්, බර්ගර්, මැලේ මේ සියලු ජාතීන්ට එක්ව ජීවත් විය හැකි පරිසරයක් නිර්මාණය කරදී ඇත්තේ ඒ නිසයි. එහෙත් සිංහ ලේ, දෙම ලේ, මුස්ලිම් ලේ ආදී වශයෙන් වූ විවිධ ජාතිවාදී අවතාර තවදුරටත් අප අතර පවතිනවා. එහෙත් ඔවුන්ට කිසිවිටෙක රට ආපස්සට හැරවීමට ඉඩ ලබාදිය යුතු නැහැ.” යැයි පවසා සිටියේය.