2015 ජනාධිපතිවරණය කැදවීම සති දෙකකට පෙර, මහින්ද රාජපක්ෂ මහතාට සහය දීම සදහා ඇමතිකමක් ලබා දෙන්නැයි ඉල්ලමින් මංගල සමරවීර අමාත්‍යවරයා ඔහුගේ ළගම හිතවතෙකු තමන් හමුවීමට එවූ බව හිටපු ආරක්ෂක ලේකම් ගෝඨාභය රාජපක්ෂ මහතා පවසයි.
විදේශ කටයුතු හා නීතිය පිළිබද අමාත්‍ය ධුරය ඔහු ඉල්ලා සිටි බවත්, හිටපු ජනාධිපති මහින්ද රාජපක්ෂ මහතා එයට එකග නොවූ බැවින්, මංගල සමරවීර මහතා ජනාධිපතිවරණයේදී මහින්ද රාජපක්ෂ මහතාට විරුද්ධව කටයුතු කළ බවත් ගෝඨාභය රාජපක්ෂ මහතා කියා සිටී.
ඒ මහතා මේ බව සදහන් කළේ බදුල්ලේ පැවති ‘වියත්මග‘ සම්මන්ත්‍රණය අමතමිනි.
එවක රාජපක්ෂ ආණ්ඩුවේ සිටි විශ්වාසවන්තම පුද්ගලයා තමන් යැයි සලකා, ඇමතිකමක් ඉල්ලාගෙන ආ මංගල සමරවීර ඇමතිවරයා අද, දූෂිතම හා භයානකම රාජ්‍ය නිලධාරියා යැයි කියමින් තමන්ට චෝදනා කරන බවත් කියා සිටි ගෝඨාභය රාජපක්ෂ මහතා, මංගල සමරවීර ඇමතිවරයා තමන්ට නොයෙකුත් චෝදනා එල්ල කරමින් සිටින්නේ තමන් බලයට ඒයැයි බියෙන් බවද සදහන් කර සිටියේය.
[fbvideo link=”https://www.facebook.com/sinhala.adaderana.lk/videos/1875622325815807/?t=10″ width=”500″ height=”400″ onlyvideo=”1″]