මළ සිරුරු දිරාපත් වීමේ දී වෛරසය ජලයට එකතු නොවේ යැයි නිගමනය කල නොහැකි බවත් හොඳම විකල්පය තමයි පිළිස්සීම බවත් රුහුණු විශ්වවිද්‍යාලයේ වෛද්‍ය පීඨයේ ජල කළමනාකරණය පිළිබඳ මහාචාර්ය මංගල චතුරංග ද සිල්වා මහතා පවසනවා.
වැඩිදුරටත් අදහස් දැක්වූ ඒ මහතා….
“ලෝක සෞඛ්‍ය සංවිධානයේ මාර්ගෝපදේශ මාලාවක් තියෙනවා. ඔවුන් පැහැදිලිව සඳහන් කරනවා වළ දැමීම හා පිළිස්සීම යන කාරණය රඳා පවතින්නේ, අදාළ රටේ තත්ත්වයන්ට අනුව බව. මෙහිදී වළ දැමීමේ දී සම්මත බොඩි බෑග් එකක් භාවිත කරනවා. එය භූගත ජලමට්ටමට ආසන්නව සිදුනොකළ යුතුබව පැහැදිලිව සඳහන් කර තිබෙනවා.“මළ සිරුරු දිරාපත් වීමේ දී මළ සිරුරු තුළ පවතින වෛරසය යම්කිසි කාලයකට පෙර ජලයට එකතු නොවේ කියන එක අපට නිගමනය කරන්න බෑ. ඒ නිසා මේ වෙලාවේ අපිට තියෙන හොඳම විකල්පය තමයි පිළිස්සීම.”