Colombo Today Local News

LTTE යුද අපරාධ කළ බවට සාක්ෂි සහිතව පළමු නඩුව විභාග වෙයි

2009 වසරේ යුද සිරකරුවන් ලෙස එල්.ටී.ටී.ඊ. අත්අඩංගුවේ සිටි නාවික හමුදා සහ යුද හමුදා සෙබලූන් 26 දෙනකු ඝාතනය කිරීම සම්බන්ධයෙන් චෝදනා ලැබ සිටි හිටපු එල්.ටි.ටි.ඊ. සාමාජිකයින් තිදෙනකුට අධිචෝදනා භාරදීම අද (24දා) වවුනියාව මහධිකරණයේදී සිදුවිය. 

මෙලෙස අධිචෝදනා ලැබුවේ හිටපු එල්.ටි.ටි.ඊ බුද්ධි සාමාජිකයින් වන මදීඅරසන් සුලක්ෂන් , ගනේෂන් දර්ශන් සහ සිවතුරෙයි සිවරූබන් නැමති වවුනියාව හා කිලිනොච්චිය ප්‍රදේශයේ පදිංචිකරුවන්ය.

2009 ජනවාරි 16 වනදා හෝ ඊට ආසන්න දිනයකදී සැකකාර හිටපු LTTE බුද්ධි සාමාජිකයින් තිදෙනා ඇතුළු පිරිසක් විසින් අත්අඩංගුවේ සිටි සෙබලුන් 26 දෙනා මුලතිව් විශ්වමඩු , වල්ලිපුනම් හි රහසිගත බුද්ධි කඳවුරකදී වෙඩිතබා ඝාතනය කොට සීනි සහ පෙට්‍රල් යොදා සිරුරු ගිනිතබා තිබූ බව ත්‍රස්ත විමර්ශන ඒකකය අධිකරණයට දනුම් දුන්නේය.

එල්.ටී.ටී.ඊ සංවිධානය විසින් යුද අපරාධ සිදුකළ බවට සාක්ෂි සහිතව ඉදිරිපත් කළ ප්‍රථම නඩුව  මෙය වන බවද පැමිණිල්ල වෙනුවෙන් පෙනී සිටි රජයේ අධිනීතිඥවරයා පෙන්වාදුන්නේය. නඩු විභාගය නැවත හෙට 25  දිනයේ කැඳවීමට නියමිත බවටද ත්‍රස්ත විමර්ශන ඒකකය දැනුම් දෙනු ලැබීය.

Related posts

කොස්ගම හමුදා කදවුර ගැන හිටපු ජනපති මුල්වරට කතා කරයි

colombotoday

ආණ්ඩුවෙන් ඉවත් වීම ස්ථීරයි.. ඉවත්වන දිනය තීරණය එන සතියේ !

colombotoday

සයිටම් ගැන රජයේ ගත් තීරණය ගැන GMOA මතය කියයි !

colombotoday

මංගල සමරවීර මහතා අභාවප්‍රාප්ත වෙයි.

colombotoday

අධිකරණයට ඉදිරිපත් වූ දමිතා,රැට්ටා ඇතුළු 8කට ඇප

colombotoday

පවුලේ දේපොළ වත්කම් සාපයක් වී අවිගත් ‘සමයං‘ගේ සෝබර පාපොච්ඡාරණය

colombotoday