ජනතා විමුක්ති පෙරමුණ විසින් පාර්ලිමේන්තුවට ඉදිරිපක් කළ විධායක ජනාධිපති ධුරය අහෝසි කිරීම සදහා වූ විසි වන ව්‍යවස්ථා සංශෝධනයට තුනෙන් දෙකේ බහුතරය නොලැබී යන තත්ත්වයක් මතුව ඇතැයි දේශපාලන විචාරකයන් පවසති.
ආණ්ඩුවෙන් ඉවත්වූ ශ්‍රී ලංකා නිදහස් පක්ෂයේ 16 කණ්ඩායම එම යෝජනාවට විරුද්ධ බව ප්‍රකාශ කර ඇති අතර, ඒකාබද්ද විපක්ෂය නියෝජනය කරන සියලු මන්ත්‍රීවරුන්ද එම යෝජනාවට විපක්ෂ වීමට තීරණය කර ඇත.
එමෙන්ම දැනට ආණ්ඩුවේ සිටින ශ්‍රී ලංකා නිදහස් පක්ෂ ඇමතිවරුන්ද, ජාතික හෙළ උරුමයද එම යෝජනාවට එරෙහිවන බව ප්‍රකාශ කර තිබේ.
මේ හේතුවෙන් ජ.වි.පෙ. ඉදිරිපත් කළ 20 වැනි සංශෝධනය මැති සබයේ සම්මත කර ගැනීමට කිසිම අවස්ථාවක් නොලැබෙන බවද විචාරකයන් පෙන්වා දෙති.