Colombo Today Local NewsTop Stories

බලය දුන්නේ හුරතල් වෙන්න නෙමයි අනුර! කාඩිනල් හිමිගෙන් බරපතල ප්‍රකාශයක්

ජනපති අනුර ප්‍රමුඛ මාලිමා රජය බලයට ඒම සඳහා දුන් පොරොන්දු සිහිපත් වීමෙන් කාඩිනල් මැදුර යළිත් වරක් ඇවිලී තිබේ.

එදා අනුරගේ අතින් අල්ලාගෙන කටුවාපිටියේ කඳුළු මැදින් ඇවිද ගිය අති උතුම් කාඩිනල් මැල්කම් රංජිත් හිමිපාණන් ඊයේ නැවත වරක් රජයට පෙරලාගෙන පහර දෙන්නේ ඒ සිහිපත්වීම හරහා බව පෙනෙයි.

බලය වනාහි භයානක සූදුවකි.

පාස්කු වින්දිතයින්ගේ අඳෝනා සාගරයේ කිමිදෙමින් ජවිපෙ මැතිවරණ යාන්ත්‍රණය බලය අල්ලන තුරුම්පු කොල සොයන බවට එදා මැදහත් දේශපාලන විචාරකයෝ පුන පුනා අදහස් දැක්වූහ.

එකී අනාවැකි සත්‍යයක්ම බැව් අද වන විට ඇස් පනාපිටම විද්‍යාමාන වන්නට පටන් ගෙන තිබේ.

පාස්කු ප්‍රහාරයේ මහමොළකරුවන් නීතිය හමුවට ගෙනෙන බවට, බලයට පැමිණෙන්නට පෙර වත්මන් රජය පොළොවේ පස් කෑ නමුත්, දිවුරුම් දුන් විගස අනුර ජනපති තකහනියේම කටුවාපිටියට දුවගෙන ගියේ හිස් අතිනි. එදා වින්දිතයින්ගේ උණුසුම් වන චෝදනා හමුවේ ඔහු තවත් දහසක් පොරොන්දු දුන්නද, තවමත් එම විමර්ශනයන්හි අංශු මාත්‍රයක හෝ ප්‍රගතියක් පෙන්වන්නට පාලකයා අසමත්ව තිබෙන බවද පැහැදිළිව පෙනෙන්නට තිබෙනා කරුණක් වෙයි.

ඒ අනුව, අද කාඩිනල් හිමි ප්‍රමුඛ කතෝලික සභාව මෙසේ රත් වී ඇත්තේ ආණ්ඩුවේ ප්‍රමාදය නිසා පමණක්ම නොව, මැතිවරණ යාන්ත්‍රණය ඇතුළේ තමන් හාවා වූ බව දැනෙන නිසාද විය යුතුය.

කෙසේ වුවත්, සානුකම්පිත ඉල්ලීමෙන්, බැගෑපත්වීමෙන් මෙන්ම තර්ජනයෙන්ද ඔවුන් ඉල්ලා සිටින්නේ එකම සාධාරණ යුක්තියක් බවද නොකියාම බැරිය.

සටහන – Chalana

Related posts

තුවාල ලබා මිය ගිය කාන්තාවක් හඳුනා ගන්න පොලීසිය මහජන සහාය පතයි

Admin

ඊයේ මැදියම් රැයේ සිට ඉන්ධන මිළ ඉහළට…

colombotoday

දුම්රිය අංගනවල ඇති පරණ යකඩ ටෙන්ඩර් ක්‍රමයට විකුණන්න උපදෙස්

colombotoday

වතු කම්කරුවන්ගේ ජල ගැටලුව හේතුවෙන් වැඩවර්ජන

Admin

බෝම්බ කුමාර අත්අඩංගුවට

colombotoday

නැප්තා නැතිව කැලණිතිස්ස ඇනහිටී

Admin