නීතිඥ සංගමයේ අයථා මුදල් පරිහරණය සම්බන්ධයෙන් විමර්ශන ආරම්භ කර ඇති බව වාර්තා වනවා.
එම සංගමයේ සිදුවී ඇති අයථා මුදල් පරිහරණයක් සම්බන්ධයෙන් පසුගිය සතියේ විවිධ පුවත් පලවුණා.
මේ සම්බන්ධයෙන් පසුගිය 18 වනදා නීතිඥ සංගමයේ කවුන්සිලයේදී ප්‍රශ්න කෙරුනු අතර එකී අයථා මුදල් පරිහරනය විමර්ශනය කිරීමට ජනාධිපති නීතිඥවරුන්ගෙන් සමන්විත කමිටුවක්ද පත් කරනු ලැබුවා.
එහිදී වැඩිදුරටත් සදහන් වූයේ ජේශ්ඨ නීතිඥවරුන්ගේ හැකියාව හෝ කුසලතාවය ප්‍රශ්න නොකරන බවත් කෙසේ වෙතත් ප්‍රශ්නගත කමිටුවට පත් කරගැනීමේ ක්‍රියාවලියේ කිසිදු පාරදෘශ්‍යබාවයක් නොමැතිවීම ගැටලුකාරී බවයි.
බහුතරයක් නීතිඥවරුන් නීතිඥ සංගමයේ සභාපති සහ උප සභාපතිවරයා පිලිබදව කලකිරීමට ලක් වී ඇති බවද වාර්තා වුණා.
කෙසේ වෙතත් නීතිඥ සංගමයේ කවුන්සලයේදී නීතිඥ සංගමයේ සභාපතිවරයා ප්‍රශ්නයෙන් පැන නොයා සිදුවී ඇති ක්‍රියාවලිය සම්බන්ධයෙන් වූ ප්‍රශ්නවලට ඍජුව පිලිතුරු දෙමින් කටයුතු කල ආකාරය අගය කල යුත්තක්.
එහිදී උප සභාපති නලින්ද නම් ජනාධිපති නීතිඥවරයා කිසිවක් නොදන්නා අයුරින් කටයුතු කල බවත් වාර්තා වුණා.
කෙසේ වෙතත්, නවතම පුවත නම් අද උදෑසන Island විද්‍යුත් ප්‍රවෘත්ති පත්‍රයේ පල වී ඇති අයුරින් නීති සංගමයේ උප සභපතිවරයා මෙම මුදල් බාර නොගත් බවයි.
ඉන් පෙනී යන්නේ තමන් වෙනුවෙන් වෙන් කෙරුනු මුදල් අතට නොගත්තේයැයි පවසමින් මෙම ගැටලුවෙන් නිදහස් වීමට දරන ප්‍රයත්නයක්.
උපුටා ගැනීම…
පොදු මහජනයාගේ ගැටලු සම්බන්ධයෙන් නිරන්තරයෙන් වාර්තා කරන අප හට ඇති ප්‍රශ්න පහත පරිදි වේ.
- මෙයින් පෙනෙන්නේ තමන් වෙනුවෙන් වෙන් කෙරුනු මුදල් නොගත්තේ යැයි සදහන් කරමින් ගැටලුවෙන් පැන යන උප සභාපතිවරයා හට මෙම මුදල් වෙන් නොකෙරුනි නම් එම නම යොදා JICA අරමුදලත් නොමග යවා මුදල් ලබාගත්තා නොවේද?
- උප සභාපතිවරයාගේ සහෝදරයාගේ දියණියද මෙම ප්‍රශ්නගත කමිටුවට බදවාගෙන මිලියන කිහිපයක්ම ලබා දී ඇති අතර එවන් තත්ත්වයක් මත තමන් මේ මුදල් ලබා දීමක් පිලිබදව නොදන්නේ යැයි පැවසීම හාස්‍යජනක කරුනක් නොවේද?
- උප සභාපතිවරයා විසින් මෙම ගැටලුවට මුහුණදීමට කොන්ද පණ තිබූ සභාපතිවරයාද තනිකර උප සභාපතිවරයා සුදු හුනු ගාගන්නේ මීලගට එන නීතිඥ සංගමයේ සභාපති ඡන්දයෙන් තමන්ට අවාසියක් වෙන නිසාද?
- නීතිඥ සංගමයේ සිදුවී ඇති ගැටලුව සම්බන්ධයෙන් විමර්ශනයට ජනාධිපති නීතිඥවරුන් පිරිසකගෙන් සමන්විත කමිටුවක් පත් කර ඇති මොහොතක උප සභාපතිවරයාගේ නම මාද්‍ය යොදා සුද්ද කිරීමට දරන ප්‍රයත්නයෙන් එම පත් කර ඇති කමිටුවේ සාමාජිකයන් හට අයුතු බලපෑමක් ඇති කරන්නේ නොවේද…?
- නීතිඥ සංගමයේ ගැටලුව මාධ්‍ය වෙත පල කිරීම සම්බන්ධයෙන්ද නීතිඥ සංගමයේ යම් යම් සාමාජිකයන් තම විරුද්ධතාවය ප්‍රකාශ කර තිබූ අවදියක හා ඉහත කී අයුරින් විශේෂ කමිටුවකින් විමර්ශනයන් සිදු කරමින් පවතින අවස්ථාවක උප සභාපතිවරයා වෙනුවෙන් විශේෂ ප්‍රවෘත්ති පල කිරීම සුදුසු ද?
පොදු මහජනයාගේ නිරන්තර සේවයට කැපවෙන නීතිඥ සංගමය සම්බන්ධයෙන් අපහට අප්‍රමාණ ගෞරවයක් ඇත.
කමිටුවේ සිටි නීතිඥවරුන් ගත් මුදල් ආපසු සංගමයටම දිය යුතු බව යෝජනා කල බවත් වාර්තා වන්නේ කල වරදට සමාව දීමට තරම් ප්‍රශ්නගත කමිටුවේ නැති අනෙකුත් නීතිඥවරුන් සූදානම් බවට පෙන්වා දෙමිනි.
එවන් අවදියක අයථා මුදල් පරිහරණයක් සිදුවූයේ නම් ඒ සම්බන්ධයෙන් විමර්ශනයක් කරමින් පවතින අවදියක කොන්ද පන ඇතුව එම විමර්ශනයට මුහුණ දීම යුක්ති සහගත බව අපට හැගී යයි.
උපුටාගැනීම අවසන්…