Colombo Today Local News

HIV පැතිරීමේ බරපතළ අවදානමක්

කොවිඩ් වසංගත තත්ත්වය මත එච්.අයි.වී. සඳහා වන රුධිර පරික්ෂාවන්ට යොමු නොවීම හේතුවෙන් සමාජය තුළ එච්.අයි.වී. වෛරසය ව්‍යාප්ත වීමේ බරපතළ අවදානමක් මතුව ඇතැයි එච්.අයි.වී. ඒඩ්ස් මර්දන ව්‍යාපාරයේ අධ්‍යක්ෂ වෛද්‍ය රසාංජලී හෙට්ටිආරච්චි සඳහන් කරයි.

රෝගය බෝකළ හැකි අවදානම් කණ්ඩායම් වෙත ගොස් ඔවුන්ගේ රුධිර පරික්ෂාවන් සිදුකළ නමුත් කොවිඩ් වසංගතය හේතුවෙන් එම කටයුතු මුළුමනින්ම ඇනහිට ඇති බැවින් රුධිර පරික්ෂාවන් සිදුකර ගැනීම‌ට නොහැකි වී ඇතැයි අධ්‍යක්ෂවරිය පැවසුවාය.

අවදානම් කණ්ඩායම් වෙත ගොස් මසකට රුධිර පරික්ෂාවන් 1000 – 2000 අතර සංඛ්‍යාවක් සිදුකළ නමුත් මේ වන විට එම පරික්ෂා කිරීම් මුළුමනින්ම ඇනහිට ඇති අතර සායනයන් වෙත ස්වාච්චවෙන්ම පැමිණ රුධිර පරික්ෂාවන් සිදු කර ගන්නා සංඛ්‍යාවද සැලකිය යුතු ලෙස පහළ ගොස් ඇතැයි ද සඳහන් කළාය.

සායනයන් වෙත මසකට එච්.අයි.වී. සඳහා වන රුධිර පරික්ෂාවන් සිදුකර ගැනීම සඳහා පැමිණෙන පුද්ගලයන්ගේ සංඛ්‍යාව සැලකිය යුතු ලෙස පහළ ගොස් ඇතැයිද ඇය පෙන්වාදේ.

කොවිඩ් වසංගතය ඇතිවීමට පෙර වසරකට ආසාදිතයන් 350 – 450 අතර සංඛ්‍යාවක් හඳුනා ගැනීමට හැකි වූ නමුත් කොවිඩ් වසංගතය හේතුවෙන් ආසාදිතයන් සොයා ගැනීම අසීරු වී ඇතැයිද වෛද්‍ය රසාංජලී අවධාරණය කළාය.

රජයේ රෝහල් සියල්ලේම එච්.අයි.වී. සායනයන් විවෘතව පවතින බැවින් අවදානම් ලිංගික චර්යාවන්ගේ යෙදෙන පුද්ගලයන් සායනයන් වෙත පැමිණ රුධිර පරික්ෂාවන් කර ගන්නා ලෙසත් ආසාදිතයන් සිටින්නේ නම් ඔවුන්ගේ ඖෂධ නිසි ලෙස ලබා ගන්නා ලෙසත් අධ්‍යක්ෂවරිය ඉල්ලීමක් කරයි.

Related posts

පළාත්සභා මන්ත්‍රී හා බිරිද පුද්ගලයෙකුට බිම දමාගෙන පහරදෙයි.. මහපාරේ පිස්තෝලය අරන් යකා නටයි [Video]

colombotoday

පොලිස් නිලධාරීන් තිදෙනෙකුට පරහදී කඳුළු ගෑස් උණ්ඩ 50ක් පැහැර ගත් සැකකරු අත්අඩංගුවට

colombotoday

2015 වසරේ ස්‌ත්‍රී දූෂණ 1854 ක්‌ – 16 ට අඩු ගැහැනු දරුවන් 1209 ක් කැමැත්තෙන් දුෂණය වෙලා

colombotoday

අඹු සැමි හුවමාරු කිරීමේ සංගමයක්. බුකියේ සිදුකල ජඩ වැඩේ පත්තු වෙයි. ඇඩ්මින් රක්ෂිත බන්ධනාගාරයට

colombotoday

මහල් හයක ගොඩනැගිල්ලක ගින්නකට හසු වී 43 දෙනෙකු ජීවිතක්ෂයට

Admin

20 ගේන්නේ රට අරාජික කළ ජනතාවට එපා වූ 19 ඉවත් කරන්නයි.. අගමැති මහින්ද කියයි

colombotoday