31 C
Colombo
4 April 2025
Colombo Today Local News

හෙරොයින් ජාවාරමේ යෙදුණු මොහොමඩ් නිසාම්ට කොළඹ මහාධීකරණයෙන් මරණීය දණ්ඩනය

හෙරොයින් ග්‍රෑම් 18.24 ක් සන්තකයේ තබාගැනීම හා හෙරොයින් ජාවාරම් කිරීම සම්බන්ධව වරදකරු වූ පනස්තුන් හැවිරිදි දෙදරු පියෙකුට කොළඹ මහාධිකරණ විනිසුරු ගිහාන් කුලතුංග මහතා ඊයේ (03) මරණීය දණ්ඩනය නියම කෙළේය.

මල්වාන ප්‍රදේශයේ පදිංචිකරුවකු වූ මොහොමඩ් සිවාම් නිසාම් නමැත්තාට එසේ මරණීය දණ්ඩනය නියම වුණි. 2010 වසරේ රාජගිරිය සර්පන්ටයින් ප්‍රදේශයේදී පොලිස් මත්ද්‍රව්‍ය නාශක කාර්යංශයේ නිලධාරීන් විසින් විත්තිකරු අත්අඩංගුවට ගෙන තිබුණි.

විත්තිකරු අත්අඩංගුවට පත් දින සිට අද දක්වා රක්ෂිත භාරයේ පසුවීම හේතුකොට ඔහුට ලිහිල් දණ්ඩනයක් ලබා දෙන්නැයි විත්තිකරු වෙනුවෙන් පෙනී සිටි නීතිඥවරයා ඉල්ලා සිටියේය.

මත්ද්‍රව්‍ය භාවිතය සමාජයට මහත් ව්‍යසනයක් වී ඇති හෙයින් සමාජයට පරමාදර්ශයක් වන ලෙස විත්තිකරු හට උපරිම දණ්ඩනය ලබාදීමට අධිකරණය තීරණය කළ බව විත්තිකරු හට මරණීය දණ්ඩනය නියම කරමින් විනිසුරුවරයා ප්‍රකාශ කළේය.

පැමිණිල්ල වෙනුවෙන් රජයේ ජ්‍යෙෂ්ඨ අධිනීතිඥ යොහාන් අබේවික්‍රම මහතා පෙනී සිටියේය.

Related posts

කොවිඩ් ආසාදිතයින් දෙදෙනෙක් දඹුල්ල ආර්ථික මධ්‍යස්ථානයේ වෙළෙඳසැල් 80 කට ගිහින්

colombotoday

ආණ්ඩුවේ අමතර වියදම් පියවන්න රු.බිලියන 100ක් ඉල්ලයි

colombotoday

ධීවර කැබිනට් ඇමති සහ රාජ්‍ය ඇමති එළිපිට ගැටෙයි.. “වෙදආරච්චිව සත පහකට විශ්වාස නෑ” – මහින්ද කියයි

colombotoday

හාල් ගෙන්නන්න දෙන්නෙත් නෑ – මිල වැඩි කරන්න දෙන්නෙත් නෑ – ඇමති බන්දුල අමාරුවේ වැටෙයි.

colombotoday

පාස්කු ඉරිදා ප්‍රහාරය ඇතුළු කිසිදු සිද්ධියක් ගැන ජාත්‍යන්තර පරීක්ෂණ කරන්නේ නැහැ – ජනපති කියයි

Admin

ගිනිගන්නා MSC Messina නැවේ සේවකයෙක් අතුරුදන්. | ඉන්දියානු වෙරළාරක්ෂක බලකාය නැවට ලඟා වෙයි.

colombotoday