යූ ටියුබ් සහ ෆේස්බුක් හි විශාල අනුගාමිකයන් පිරිසක් සිටින බංග්ලාදේශ මුස්ලිම් පූජක මවුලානා අහමදුල්ලා විසින් ෆේස්බුක් හි ‘හහා’ ඉමොජි භාවිතා කරන පුද්ගලයින්ට එරෙහිව ෆට්වාවක් නිකුත් කරමින් එය මුස්ලිම්වරුන්ට “මුළුමනින්ම හරාම්” ලෙස නම් කර තිබේ.
පූජකයාට අනුව, මිනිසුන් ෆේස්බුක් හි ‘හහා’ ඉමොජි භාවිතා කරන්නේ අන් අයට සමච්චල් කිරීමට ය. යම් පුද්ගලයෙක් ඉමොජි භාවිතා කරන්නේ හුදු විනෝදකාමී පදනමක් මත නම් එය හොඳයි, නමුත් එය අනෙක් පුද්ගලයින් සමච්චල් කිරීමට භාවිතා කරන්නේ නම් එය ඉස්ලාමය සම්පූර්ණයෙන්ම පිළිගන්නේ නැත.
“දෙවියන් වෙනුවෙන්, මම ඔබෙන් ඉල්ලා සිටින්නේ මෙම ක්‍රියාවෙන් වැළකී සිටින ලෙසයි. යමෙකුට සමච්චල් කිරීමට ‘හාහා’ සමඟ පිළිතුරු නොදෙන්න. ඔබ මුස්ලිම්වරයෙකුට රිදවන්නේ නම්, ඔහු අනපේක්ෂිත ලෙස නරක භාෂාවෙන් ප්‍රතිචාර දැක්විය හැකිය,” පූජකයා මිනිත්තු 3ක වීඩියෝවක් නිකුත් කරම්න් සඳහන් කරයි.
පූජකවරයාගේ අනුගාමිකයෝ ඔහුගේ මතයට අනුකූල වූ බව පෙනේ. නමුත් දහස් ගණනක් අනෙකුත් ජනයා පුජකයාගේ ෆට්වාව ඇතුලත් වීඩියෝවට ‘හහා’ ඉමොජියක් මගින් ප්‍රතිචාර දැක්වූ අතර ඔවුන්ගෙන් බොහෝ දෙනෙක් බංග්ලාදේශ මුස්ලිම් පූජකයාට විහිළු කළහ.