ඇෆ්ගනිස්ථාන කාබුල් විශ්ව විද්‍යාලයට කඩා වැදුණු ත්‍රස්තවාදීන් තිදෙනෙක් අවම වශයෙන් සිදුන් 19 දෙනෙකු ඝාතනය කර තිබේ.
රජයේ ජේෂ්ඨ නිලධාරියෙකු විසින් ලබාගන්නා ලද ඡායාරූප වලින් දැක්වෙන්නේ සිසුන් පන්ති කාමරවල මිය ගොස් ඇති බවයි. එක් සිසුවෙකු ජනේලයෙන් එළියට යද්දී වෙඩි තබා ඇති බවක් පෙනෙන්නට තිබුණි.
“ඔවුන් දුටු දුටු සෑම සිසුවෙකුටම වෙඩි තැබුවා… පලා යන සිසුන්ට පවා වෙඩි තැබුවා,” ඇසින්දුටු සාක්ෂිකරු ෆතුල්ලා මොරඩි රොයිටර් පුවත් සේවයට පවසා ඇත.
මෙම ත්‍රස්ත ප්‍රහාරයෙන් 19 දෙනෙකු මියගොස් 22 දෙනෙකු තුවාල ලැබූ බව අභ්‍යන්තර කටයුතු අමාත්‍යාංශයේ ප්‍රකාශක තාරික් ඒරියන් පැවසීය.
තලේබාන් සංවිධානය කියා සිටියේ මෙම ප්‍රහාරයට ඔවුන්ගේ සටන්කරුවන් සම්බන්ධ නැති බවයි. කෙසේ වෙතත් ඉස්ලාමි රාජ්‍ය ත්‍රස්තවාදීන් මෙම ප්‍රහාරයේ වගකීම භාරගන ඇත.
ආරක්ෂක අංශ සිදුකල ප්‍රතිප්‍රහාරයෙන් ත්‍රස්තවාදීන් තිදෙනාම මරා දමා ඇත.
