ශ්‍රී ලංකා පොදු ජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ පුරවැසිභාවය පිළිබඳව ප්‍රශ්නකර අභියාචනාධිකරණයේ ගොනු කොට ඇති නඩුවේ තීන්දුව ප්‍රකාශයට පත් කිරීම අද (4) සවස 6ට සිදු කෙරෙන බව අභියාචනාධිකරණය දැන් දැනුම් දුන්නා.
මෙම නඩුවට අදාළ ලිඛිත දේශනා සවස 3.15ට පෙර ඉදිරිපත් කරන ලෙස අභියාචනාධිකරණය නියෝග කරන ලදි.
ජනාධිපති අපේක්ෂක ගෝඨාභය රාජපක්ෂ මහතා වෙනුවෙන් ජනාධිපති නීතිඥ රොමේෂ් ද සිල්වා මහතා කරුණු දැක්වූ අතර හිටපු ජනාධිපති මහින්ද රාජපක්ෂ මහතා වෙනුවෙන් ජනාධිපති නීතිඥ ගාමිණි මාරපන මහතා කරුණු දක්වන ලදි.
පෙත්සම් කාර පාර්ශවය වෙනුවෙන් ජනාධිපති නීතිඥ සුරේන් ප්‍රනාන්දු මහතා කරුණු දැක්වීය.