සිරගත කෙරුණු බොදුබල සේනා සංවිධානයේ මහ ලේකම් ගලගොඩඅත්තේ ඥාණසාර හිමියන් සම්බන්ධයෙන් බුද්ධ ශාසන ඇමැති ගාමිණී ජයවික්‍රම පෙරේරා මහතා හා ජනාධිපතිවරයා අතර විශේෂ සාකච්ඡාවක් අද (19) පැවැත්වීමට නියමිතය.
මේ සම්බන්ධයෙන් අධිකරණ ඇමැතිතුමිය සමඟ ද සාකච්ඡා කිරීමට බලාපොරොත්තුවෙන් සිටින බව ඇමැතිවරයා කීය.
ඥාණසාර හිමියන් සිරගත කිරීමේ සිද්ධිය පිළිබඳව පාර්ශව ගණනාවකින් ඉදිරිපත් වී ඇති කරුණු දැක්වීම් පිළිබඳ තමාගේ විශේෂ අවධානය යොමු වී ඇතැයි ගාමිණී ජයවික්‍රම පෙරේරා මහතා වැඩිදුරටත් පැවසීය.