විල්පත්තු වන සංහාරය පිළිබදව තමාට තනි තීරණයක් ගැනීමට නොහැකි බවත්, ජනාධිපතිවරයා අගමැතිවරයා සහ චෝදනාවට ලක්වූ අදාල ඇමතිවරයා සමග සාකච්ඡා කර තීරණයක් ගත යුතු බවත් වනජීවී ඇමති ෆීල්ඩ් මාර්ෂල් සරත් ෆොන්සේකා මහතා පවසයි.
එසේ සාකච්ඡා කර වරදක් සිදුව ඇත්නම් ඊට එරෙහිව ක්‍රියාමාර්ගයක් ගන්නා බවද හෙතෙම කියා සිටී.
ඊයේ (05) පෙරවරුවේ සිය අමාත්‍යංශයේ පැවැති මාධ්‍ය හමුවකට එක්වෙමින් අමාත්‍යවරයා මේ බව ප්‍රකාශ කළේය.
යාල වනෝද්‍යානය තුළට මත්පැන් රැගෙන යාම අවශ්‍යය වුවහොත් තහනම් කිරීමට පියවර ගන්නා බවද ඇමතිවරයා එහිදී කියා සිටියේය.
රජයේ අසාර්ථකත්වයට දේශපාලකයින් පමණක් නොව ජනතාව ද වගකිව යුතු බවත් රජයක් ලෙස පසුගිය වසර තුන තුළ ඔවුන් අසර්තක බවද අමාත්‍යවරයා වැඩිදුරටත් ප්‍රකාශ කර සිටියේය.