මේ වසරේදී පිය පුතු ආරවුල් දුරදිග යෑමෙන් පියවරු 6 දෙනෙක් තම පුත්‍රයන් අතින් ඝාතනය වී ඇති බව පොලිස් මාධ්‍ය ප්‍රකාශක වැඩ බලන ජේෂ්ඨ නියෝජ්‍ය පොලිස්පති අජිත් රෝහණ මහතා අද (26) සඳහන් කර සිටියා.
තමන් ඇති දැඩි කල දෙමව්පියන් ඝාතනය කරන තත්වය ට පත්වීම ඉතා කණගාටු දායක තත්වයක් බවයි ඒ මහතා සඳහන් කර සිටින්නේ.
වඩු මඩුවේ මුදල් හබය දුරදිග යයි. – පුතාගේ පහර දීමෙන් පියා මරුට
මෙහි ආසන්නතම සිද්ධිය ලෙස බේරුවල මාගල්කන්ද ප්‍රදේශයේදී 29 හැවිරිදි පුත්‍රයාගේ පහර දීමෙන් 69 හැවිරිදි පියා ඝාතනය වී ඇති බව අජිත් රෝහණ මහතා පවසයි.
පියා සහ පුතා විසින් පවත්වාගෙන ගිය වඩු මඩුවක මුදල් පිළිබඳව ඇතිවූ අරවුලකදී පුත්‍රයා විසින් යකඩ පොල්ලකින් පියාට පහර දීම හේතුවෙන් මෙම මරණය සිදුවී ඇත.