Colombo Today Local News

Covid-19 මැදපෙරදිගටත්… වෛරසය වැලදුණු දෙදෙනෙක් ඉරානයේදී මියයයි !

කොවිඩ් නයින්ටීන් වෛරසය ආසාදනය වීමෙන් මැද පෙරදිගින් වාර්තා වූ පළමු මරණ දෙක අද (20) වාර්තා වුණා. ඒ ඉරානයෙන්. කොවිඩ් නයින්ටීන් වෛරසය ආසාදනය වීම හේතුවෙන් ප්‍රතිකාර ලබමින් සිටි   පුද්ගලයින් දෙදෙනෙකුයි මෙලෙස මියගියේ.

කොවිඩ් නයින්ටීන් වෛරසය අසාදනය වූ 74576 දෙනෙකු චීනයෙන් වාර්තා වනවා. මිය ගිය සංඛ්‍යාව 2126ක්. ඊයේ දිනය අවසන් වන විට වෛරසයෙන් පුද්ගලයින් 114 දෙනෙකු මිය ගියා. ඊයේ දිනයේදී නව රෝගීන් 394 දෙනෙකු හදුනාගත් අතර පෙරේදා දිනයට සාපේක්ෂව එය සැළකිය යුතු අඩුවීමක් බවයි වාර්තා වන්නේ. පෙරේදා දිනයේදී හදුනාගත් නව වෛරස ආසාදිතයින් සංඛ්‍යාව 1749ක්. දකුණු කොරියාවෙන් කොවිඩ් නයින්ටීන් වෛරසය ආසාදිතයින් 31 දෙනෙකු ඊයේ හදුනාගත්තා. ඒ අනුව එරටින් වෛරසය  ආසාදිතයින් සංඛ්‍යාව 82 ක්. ජපානයේ ඩයමන්ඩ් ප්‍රින්සස් නෞකාවේ සිටි ජපාන ජාතිකයින් දෙදෙනෙකු වෛරසය ආසාදනය වීමෙන් මිය ගියා. එම නෞකාවේ පුද්ගලයින් 621 දෙනෙකුට වෛසරසය  ආසාදනය වී ඇති බවටයි  හදුනාගෙන ඇත්තේ. නෞකාවේ සිටි හොංකොං ජාතිකයින් සියයකට වැඩි පිරිසක් ගෙන්වා ගැනීමට එරට රජය කටයුතු කළා. ඕස්ට්‍රේලියා ජාතිකයින් 180 දෙනෙකුද නැවතත් පැමිණ තිබෙනවා.

ඊජිප්තුවෙන් වාර්තා වූ  වෛරසය  ආසාදිත පුද්ගලයා මේ වන විට සුව වෙමින් පවතිනවා. මේ අතර  කොරෝනා ආසාදිතයින් දෙදෙනෙකු වෛරසය පතුරුවන අයුරු දැක්වෙන වීඩියෝවක් මේ දිනවල අන්තර්ජාලය පුරා  පැතිරෙනවා. මෙහි සත්‍ය අසත්‍යතාව පිලිබද කිසිදු තොරතුරක් මේ වන තෙක් වාර්තා වී නැහැ.

Related posts

මන්ත්‍රීවරුන්ගේ වත්කම් ජනතාවට බලාගන්න පුළුවන් තැනක ප්‍රදර්ශනය කරන්න යෝජනාවක්

Admin

ඔඩ්ඩුසුඩාන් කම්හලේ වැඩ DSI සමාගම ආරම්භ කරයි

colombotoday

මොහොමඩ් සාෆි නැවත සේවයේ පිහිටුවීමට (එජාප+ජවිපෙ+TNA පත්කල) රාජ්‍ය සේවා කොමිසම ගත් තීරණයට ජනපතිගේ විරෝධය !

colombotoday

එකම විෂයේ බෙදුණු අමාත්‍යාංශ එක් කරන්න තීරණයක්

Admin

කරුණා අම්මාන් සිදුකළ ප්‍රකාශයට එරෙහිව පැමිණිලි 2ක්

colombotoday

රාජපක්ෂ සිව් සොහොයුරෝ මුල් වරට පොහොට්ටු වේදිකාවේ…. ගෝඨාභය නෙළුම් මාවතෙන් දේශපාලන ගමන අරඹයි

colombotoday