කුඩා දරුවන් “ඉතා නරක හැසිරීම්” පෙන්නුම් කළහොත් හෝ අපරාධ සිදු කළහොත් ඔවුන්ගේ දෙමව්පියන්ට ද දඬුවම් පැමිණවීම සඳහා වන නීති සම්පාදනය කිරීම පිළිබඳව චීන පාර්ලිමේන්තුව සලකා බලමින් සිටියි.
පවුල් අධ්‍යාපන ප්‍රවර්ධන නීති කෙටුම්පත මගින්, තම රැකවරණය යටතේ සිටින ළමයින් තුළ ඉතා නරක හෝ සාපරාධී හැසිරීම් දක්නට ලැබුණහොත් පවුල් අධ්‍යාපන මාර්ගෝපදේශන වැඩසටහන් සඳහා සම්බන්ධ වීමට භාරකරුවන්ට ඉදිරියේදී අවවාද කරනු ඇත.
ජාතික මහජන කොංග්‍රසයේ ව්‍යවස්ථාදායක කටයුතු කොමිසමේ ප්‍රකාශක සැන්ග් ටයිවේ පැවසුවේ “නව යොවුන් වියේ දරුවන් වැරදි ලෙස හැසිරීමට හේතු බොහෝමයක් තිබෙන අතර පවුල් අධ්‍යාපනයේ තිබෙන විෂමතාවයන් එයට ප්‍රධානතම හේතුවයි.” යනුවෙනි.