චීන අභ්‍යවකාශ යානයක් අඟහරු ග්‍රහයා මතට සාර්ථකව ගොඩබස්වන බව එරට රාජ්‍ය ප්‍රවෘත්ති ඒජන්සිය වාර්තා කළේය. ඒ අනුව එක්සත් ජනපදයෙන් පසු රතු ග්‍රහලෝකයට ගොඩබසින දෙවන රට චීනය බවට පත් විය.
ටියැන්වෙන් -1 අභ්‍යවකාශ යානය යූටෝපියා ප්ලැනිටියා නමින් හැඳින්වෙන විශාල තැනිතලා භූමියකට ගොඩ බැස්සේ, “අඟහරු මත චීන අඩිපාරක් ප්‍රථම වරට තබමින්” යැයි ෂින්හුවා පැවසීය.
යානය නවතා තිබූ කක්ෂයෙන් GMT 1700 ට සිකුරාදා (බීජිං වේලාව 0100) පිටත් විය. ගොඩබෑමේ මොඩියුලය පැය තුනකට පසු කක්ෂයෙන් වෙන් වී අඟහරුගේ වායුගෝලයට ඇතුළු වූ බව චීන නිල අභ්‍යවකාශ පුවත් සේවය පවසයි.