හිටපු ජනාධිපතිනි චන්ද්‍රිකා කුමරාංග මහත්මිය ඇතුළු මැති ඇමති පිරිසකට අත්තනගල්ල ප්‍ර දේශයේදී ඊයේ දැඩි විරෝධතාවක් එල්ල විය.
අත්තනගලු ඔය හරහා ඉදිකරන ලද පාලමක් විවෘත කිරීමට හිටපු ජනපතිනිය ඇතුළු පිරිස එහි පැමිණි අවස්ථාවේදී මෙම විරෝධය එල්ල විය.
විරෝධතාකරුවන් කියා සිටියේ මෙම පාලම පසුගිය රජයේ ව්‍යාපෘතියක් බවත් වත්මන් රජයේ ඵීරිස් එය විවෘත කිරීමට විරෝදය දක්වන බවත්ය. මෙම පාලම මීට කිහිප දිනකට පෙර බස්නාහිර පළාත් සභා මන්ත්‍රී උපුල් මහේන්ද්‍ර රාජපක්ෂ හා අත්තනගල්ල ප්‍රාදේශීය සභාවේ ශ්රී ලංකා පොදුජන පෙරමුණු සභාපතිවරයා විසින් විවෘත කරනු ලැබීය.
විරෝධතාවය මැද විවෘත කිරීම සිදු කර උත්සවයද පැවැත්වූ අතර එතෙක් විරෝධතාකරුවන් හූ තැබූහ.
හිටපු ජනපතිනියට ප‍්‍රංශයේ උසස්ම රාජ්‍ය සම්මානයක්ද පිරිනමා සතියක් යන්නට පෙර තම බලප‍්‍රදේශයේදීම මේ ආකාරයේ හූ වැලක් එල්ල වීම විශේෂත්වයකි.