Colombo Today Local News

කජු සංස්ථාවෙන් කජු පුහුලන් වයින් වෙළඳපලට

නිසි ප්‍රයෝජනයකට නොගැනීම නිසා වසරකට කජු පුහුලන් මෙට්‍රික් ටොන් ලක්ෂයක් අපතේ යන බව ශ්‍රී ලංකා කජු සංස්ථාවේ සභාපතිනි නීතිඥ සාරංගා කාංචනී රත්නායක පැවසුවාය.

කජු මද සඳහා ඉල්ලුමක් පැවතියත්, කජු පුහුලමෙන් නිසි ප්‍රයෝජනයක් නොගන්නා නිසා ඒවා අපතේ යන බැවින් ඒ සඳහා නව වැඩපිළිවෙළක් සකස් කරමින් පවතින බවද සභාපතිවරිය කියයි.

කජු මද සඳහා මෙරට විශාල ඉල්ලුමක් පවතින බවත්, මෙරට වාර්ෂික කජු මද අවශ්‍යතාවය මෙට්‍රික් ටොන් විසි පන්දහසක් පමණ වුවත්, නිෂ්පාදනය කෙරෙන්නේ මෙට්‍රික් ටොන් දොළොස් දහසක් පමණක් බවද ඇය සඳහන් කළාය.

කජු පුහුලන් යොදාගෙන වයින් නිෂ්පාදනය කිරීම සඳහා ඉදිරියේදී කටයුතු කරන බවත්, ඊට අදාළ පර්‌යේෂණ කටයුතු අවසන් කර තිබෙන බවත් කජු වයින් මේ වසරේදීම හඳුන්වාදීමට කටයුතු කරන බවද සභාපතිවරිය කියයි.

කජු පුහුලන් යොදාගෙන වයින් නිෂ්පාදනය කිරීම සඳහා කජු සංස්ථාවට බලපත්‍රයක් තිබෙන බවත් ඇය සඳහන් කළාය.

මීට අමතරව, කජු පුහුලන් අපනයනය කිරීම සඳහා ක්‍රමවේදයක් සකස් කිරීම සම්බන්ධව කජු සංස්ථාවේ අවදානය යොමු වී තිබේ.

කජු සංස්ථාවේ පර්‌යේෂණ අංශය සහ වයඹ විශ්වවිද්‍යාලය සමග එක්ව කජු මදයේ පොත්ත යොදාගෙන මදුරු දඟර නිෂ්පාදනය කිරීමට අදාළ පර්‌යේෂණ කටයුතුද අවසන් කර තිබෙන බව සභාපතිනි නීතිඥ සාරංගා කාංචනා රත්නායක පවසයි.

මෙරට අක්කර එක් ලක්ෂ පනස් දහසක පමණ භූමි ප්‍රදේශයක කජු වගා කර ඇත.

Related posts

මෙවර යල කන්නයේ වී කිලෝවකට උපරිම මිලක්

colombotoday

ව්‍යවස්ථා සම්පාදක මණ්ඩලය දැන් අවලංගුයි.. ෆෙඩරල් ව්‍යවස්ථාව හැකිනම් සම්මතකරගන්න !

colombotoday

සාමාන්‍ය පෙළ ලියූ සිසුන්ගෙන් 45% ක් ඉංග්‍රීසි අසමත්

colombotoday

සේරුවිල විහාරාධිපති පත් කිරීමේ බලය ඇත්තේ මහනායක හිමියන්ටයි. අමරපුර සංඝ සභාවේ උත්තරීතර මහනායක හිමියන්ගෙන් නිවේදනයක්

colombotoday

නව රථවාහ සැලසුමෙන් කොළඹ ගමන් අවුල් වෙයි.

colombotoday

“මානව හිමිකම් කාර්යාලයක් ශ්‍රී ලංකාවට ඕන නෑ” – ජිනීවාවලදී ඇමති මාරපන කියයි

colombotoday