අගමැති රනිල් වික්‍රමසිංහ මහතා හොරෙක් යැයි ඔප්පුකළහොත් තමන් වහන්සේ ගොල්ෆේස් එකට ගොස් බෙල්ල කපාගෙන මිය යෑමට සූදානම් බව අඹන්වෙල ඥාණාලෝක හිමි පවසයි.
ජාතික විද්වත් සංසදය නමැති යහපාලන හිතවාදී පිරිසක් විසින් පැවැත්වූ මාධ්‍ය හමුවකදී එහි ජාතික සංවිධායක වන එහිමියන් ඒ බව කියා සිටියේය.
රනිල් වික්‍රමසිංහ මහතා රැකගැනීමට මහා සංඝරත්නය ඇතුලු විද්වතුන් එක්වී සිටින බවත් එය ගෞරවයක් බවත් එහිමියන් කියා සිටියේය.
මාධ්‍ය හමුව අමතමින් එහි උප සභාපති මාළඹේ සීලරතන හිමියන් කියා සිටියේ, ජනාධිපති මෛත්‍රීපාල සිරිසේන මහතා මෙරට පහළ වූ ශ්‍රේෂ්ඨතම නායකයෙක් බවත්, හොරකම් නොකරන ජනාධිපතිවරයා සමග හොරකම් නොකරන අගමැතිවරයෙකුත් එක්වී සිටින බවත්, දෙදෙනා ගහට පොත්ත මෙන් එකට එක්වී යහපාලන ආණ්ඩුව කරගෙන යා යුතු බවත්ය.
[fbvideo link=”https://www.facebook.com/rupavahinisinhalanews/videos/2071851596418579/” width=”550″ height=”400″ onlyvideo=”1″]