යතුරුපැදියක් තාප්පයක ගැටී සිදුවූ අනතුරකින් තරුණයෙකු මියගොස් ඇති බව කළුතර දකුණ පොලීසිය පවසයි.
මෙම අනතුර සිදුව ඇත්තේ මියගොස් ඇති තරුණයා කළුතර දෙස සිට හීනටියංගල දෙසට ගමන් කරමින් සිටියදී හීනටියංගල පාලම ආසන්නයේ දී වේගය පාලනය කරගත නොහැකිව අසල තිබූ තාප්පයක ගැටීමෙනි.
අනතුරෙන් මියගොස් ඇත්තේ, කළුතර කටුකුරුන්ද ප්‍රදේශයේ පදිංචිව සිටි ප්‍රවීන් විශ්වජිත් නැමැති 19 හැවිරිදි තරුණයෙකු බවයි පොලීසිය සඳහන් කළේ.
බරපතළ තුවාල ලබා සිටී තරුණයා 1990 සුවසැරියෙන් කළුතර නාගොඩ ශික්ෂණ රෝහලට රැගෙන ගොස් ඇති අතර, රෝහල් ගතකිරීමේදී මියගොස් ඇති බව රෝහල් ප්‍රකාශකයෙක් පැවසීය.
කළුතර දකුණ පොලීසිය වැඩිදුරටත් පරීක්ශන පවත්වයි.