පසුගියදා අසාද් සාලි විසින් “අපිට කුරුවානයයි, හදීසයයි ෂරියයි තමයි අපේ නීතිරීති නම් අපි ඒක ගරුකරනවා මිසක් රජයේ නීති බලන්නේ නෑ. රජයේ නීති තියෙන්න පුළුවන්. රජයේ නීතිය රජයට. රටට. ඒක එක පැත්තක තිබිච්චදෙන්. අපේ රටාව ඇවිල්ලා අපේ නීතිය. කුරුවානයේ හදීස්, නබි තුමාගේ හදීස් එක. ඒ ඇරෙන්න අපිට ඊට මීට නීතියක් අපිට නෑ. අපි ඒක තමයි ගරු කරන්නේ” යනුවෙන් සිදුකල ප්‍රකාශයක් සම්බන්ධයෙන් දැඩි විරෝධයක් සමාජය තුල හටගෙන ඇති අතර ඔහුගේ ප්‍රකාශය සම්බන්ධයෙන් පැමිණිලි රාශියක් ද ලැබී ඇත.
එවැනි වාතාවරණයක් තුල මුලින්ම අපරාධ පරීක්ෂණ දෙපාර්තමේන්තුවට පැමිණිලි ඉදිරිපත් කල පූජ්‍ය පස්සරමුල්ලේ පඥ්ඥාජෝති හිමිගෙන් සහ ආන්දෝලනයට තුඩුදුන් මාධ්‍ය හමුව ආවරණය කල මාධ්‍යවේදීන්ගෙන් ප්‍රකාශ සටහන් කර ගැනීමට අපරාධ පරීක්ෂණ දෙපාර්තමේන්තුව කටයුතු කර ඇත.
කෙසේ වෙතත් අසාද් සාලිගෙන් ප්‍රකාශ සටහන් කරගැනීමක් හෝ අත්අඩංගුවට ගැනීමක් පිළිබඳව තොරතුරු මෙතෙක් වාර්තා නොවේ.