Colombo Today Local Newsfeatured

එක රටක් එක නීතියක් වාර්තාව එනකන් ඉන්න. – අලි සබ්‍රිගේ බහු විවාහ ඉල්ලීම කැබිනට් මණ්ඩලය ඉවත දමයි.

බහුවිවාහ සහ කාති උසාවි ක්‍රමය දිගටම පවත්වාගෙන යුතු බවට වන යෝජනාවක් අධිකරණ අමාත්‍ය අලි සබ්‍රි විසින් ඊයේ (21) දින පැවති කැබිනට් රැස්වීමට ඉදිරිපත් කර තිබූ බව දැනගන්නට ඇත.

ව්‍යවස්ථා සම්පාදන පිළිබඳ ඇමැති මණ්ඩල අනු කමිටුවේ නිර්දේශ මත අධිකරණ අමාත්‍යාංශය 2021 මාර්තු මස අටවැනි දින පැවැති ඇමැති මණ්ඩල රැස්වීමට ඉදිරිපත් කළ යෝජනාවට අනුව මුස්ලිම් පිරිමින්ගේ බහු විවාහ තහනම් කිරීමට හා නව නීති හඳුන්වා දීමටත්, කාති උසාවි අහෝසි කිරීමටත් ලබා දී තිබු කැබිනට් අනුමැතිය සංශෝදනය කර මුස්ලිම් පිරිමින්ගේ බහු විවාහ සඳහා අවසර ලබා දෙන ලෙස ඉල්ලා අදාළ යෝජනාව අලි සබ්‍රි මහතා විසින් ඉදිරිපත් කර ඇත.

යෝජනාව සඳහා මහජන ආරක්ෂක අමාත්‍ය ආචාර්ය සරත් වීරසේකර මහතා දැඩි ලෙස විරුද්ධ වී ඇති අතර, එක රටක් එක නීතියක් ස්ථාපිත කිරීම සඳහා ජනාධිපතිවරයා කාර්යසාධක බලකායක් ස්ථාපිත කර ඇති මොහොතක එක් එක් ජාතියට සුවිශේෂ වූ නීති ගෙන ඒම නොකළ යුතු බව පවසා ඇත.

ප්‍රංශයේ බුර්කා තහනම ගෙන ආ අවස්ථාවේ එරට තුල සිදුවූ තත්වය ඇතුළු නිදර්ශන කිහිපයක් මහජන ආරක්ෂක අමාත්‍යවරයා විසින් පෙන්වා දී ඇත.

එක රටක් එක නීතියක් සඳහා වූ කාර්ය සාධක බලකායේ වාර්තාව ලැබෙන තුරු මෙම කාරණය සම්බන්ධයෙන් තීරණයක් ගත යුතු නැති බවට අමාත්‍ය විමල් වීරවංශ ද අදහස් දක්වා ඇත.

අනතුරුව, අදාළ වරප්‍රසාදය දීර්ග කාලයක් තිස්සේ මුස්ලිම් පිරිමින් භුක්තිවිදින බවත් එය අහෝසි කළහොත් ගැටළු රැසකට මුහුණ දීමට ඉඩ ඇති බවත් පෙන්වා දෙමින් දීර්ග ලෙස අලි සබ්‍රි අමාත්‍යවරයා විසින් කැබිනට් මණ්ඩලය හමුවේ කරුණු දක්වා ඇත.

කෙසේවෙතත්, එක රටක් එක නීතියක් සඳහා වූ ජනාධිපති කාර්ය සාධක බලකාය විසින් ලබාදෙන වාර්තාව ලැබෙන තෙක් සබ්‍රි අමාත්‍යවරයාගේ බහුවිවාහ ඉල්ලීම ඉවත තැබීමට අවසානයේදී තීරණය වී ඇත.

liveat8.com

Related posts

ඊයේ රෑ බොදු බලේ දිලන්තගේ නිවසට නාදුනන පුද්ගලයන් – ජිවිත හානි කිරීමට පැමිණියාදැයි සැකයක්

colombotoday

2009 යේ කල් ඉකුත් වූ කඳුළු ගෑස් හා CS ගෑස් උද්ඝෝෂණකරුවන්ට ගහලා

colombotoday

අනාගත ආහාර අර්බුදයට මුහුණ දෙන්න කොස් ගස් කැපිමේ බලපත්‍ර නිකුත් කිරිම අත්හිටුවයි.

colombotoday

ජල ගාස්තු ඉහළ දැමීමේ ගැසට් නිවේදනය අද

colombotoday

හිටපු ජනපතිගෙන් හා අගමැතිගෙන් බැඳුම්කර වංචාව ගැන ප්‍රකාශ ගැනීමට නියෝග

colombotoday

සහරාන් සමග සබඳතා පැවැත්වූ 5ක් ඩුබායි සිට මෙරටට රැගෙන එයි !

colombotoday