මධ්‍යම පළාතේ පළමු වන කොරෝනා වෛරසය ආසාදිත පුද්ගලයා මහනුවර අකුරණ තෙළඹුගහවත්ත ප්‍රදේශයෙන් හමු වීමෙන් එම ගම්මානය ඇතුළුව අකුරණ තෙළඹුගහවත්ත සහ අවට ප්‍රදේශ සම්පූර්ණයෙන්ම වසා තිබේ.
මධ්‍යම පළාතේ පළමුවන කොරෝනා ආසාදිත පුද්ගලයා ඊයේ (28දා) හමු වීමෙන් පසුව ආරක්ෂක අංශ සහ සෞඛ්‍ය අංශ එක්ව එම තෙළඹුගහවත්ත ගම්මානය සහ අවට ප්‍රදේශ සම්පූර්ණයෙන් වසා තිබේ. වෛරසය ආසාදිත පුද්ගලයාගේ පවුලේ ඥාතීන් සහ අසල්වාසීන්ද නිරෝධායනට ලක් කිරීමට පියවර ගෙන තිබේ.
මෙම ගම්මානය තුළට සහ අවට කිසිදු වාහනයකට ඇතුළු වීමට ඉඩ ලබා නොදෙන අතර ආරක්ෂක අංශ මගින් ප්‍රදේශයේ ආරක්ෂාව ද තර කර තිබේ. අකුරණ තෙළඹුගහවත්ත ප්‍රදේශයෙන් හමුවූ කොවිඩ් 19 ආසාදිත පුද්ගලයා ඇසුරු කළ පුද්ගලයින්ද සොයා පොලීසිය සහ සෞඛ්‍ය අංශ විශේෂ මෙහෙයුමක් ක්‍රියාත්මක කර තිබේ.