Colombo Today Local News

අක්‍රමවත් මාර්ග අලුත්වැඩියාව ගුවන් හමුදා සෙබළෙකුගේ දිවි තොර කරයි.

ගලෙන්බිදුණුවැව අනුරාධපුර මාර්ගයේ සිදුවූ යතුරු පැදි අනතුරකින් ගුවන් හමුදා සෙබලෙකු මිය ගොස් බව ගලෙන්බිදුණුවැව පොලීසිය කියයි.
මෙම මාර්ගයේ අලුතින් ඉදිකරමින් ඇති පාලමකට වැටි මෙම අනතුර පසුගියදා(22) සිදුව ඇත.

අනතුරින් මියගොස් ඇත්තේ ගලෙන්බිදුණුවැව පොලිස් වසමේ අංක 158 උල්පත්ගම ග්‍රාම සේවා වසමේ, වෙලේ ගෙදර උල්පත්ගම ලිපිනයේ පදිංචි ඒකනායක මුදියන්සේලාගේ රාජේෂ් වසන්ත බණ්ඩාර නැමැති ගුවන් හමුදා සෙබලෙකි.

මෙම සෙබලා සේවයෙන් නිවාඩු ලබා නිවසේ සිට ගලෙන්බිදුණුවැව නගරය වෙත ගොස් නැවත පැමිණෙමින් සිටියදී අනතුරට පත්ව ඇත.
මිය පුද්ගලයා විසින් පදවන ලද අංක NC,MZ 0090 දරණ යතුරුපැදිය වේගය පාලනයෙ කර ගැනීමට නොහැකිව ගලෙන්බිඳුනුවැව නගරයේ සිට අනුරාධපුර දක්වා දිවෙන මාර්ගයේ ගලෙන්බිඳුනුවැව නගරයේ සිට මීටර් දෙසීයක් පමණ දුරින් අලුතින් මාර්ගය හරහා ඉදිවන ලද පාලමට ඇද වැටීම හේතුවෙන් මෙම මරණය සිදුවී ඇති බව ගලෙන්බිදුණුවැව පොලිසිය අනාවරනය කරගෙන ඇත. මෘත දේහය යකල්ල ප්‍රාදේශීය රෝහලට ඇතුළත් කිරීමෙන් අනතුරුව පවුලේ සාමාජිකයින් හට භාරදීමට රෝහල් කාර්යය මණ්ඩලය කටයුතු කර ඇත.

ප්‍රදේශයේ ජනතාව පෙන්වා දෙන්නේ අලුතින් ඉදිකරන පාලමේ ආලෝක සංඥා නොමැති කම හේතුවෙන් මෙම අනතුර සිදුව ඇති බවත් මේ ස්ථානයේ රාත්‍රි කාලයට එම ස්ථානයේන් යන අයකුට දර්ශනය වන අයුරින් අලෝක සංඥා නොමැතිවීම ගැන හා නුදුරේම යම් අනතුරක් විය හැකි බව අදාළ අංශ දැනුවත් කර තිබුනත් එයට කිසිදු ප්‍රතිචාරයක් නොදැක්වූ බවයි.

ශ්‍රී ලංකාවේ මාර්ග සංවර්ධනය කිරීම් හා අලුත්වැඩියා කිරීම් ක්‍රමානුකුලව ආරක්ෂිතව සිදු නොකිරීම හේතුවෙන් වටිනා ජීවිත රැසක් නිකරුනේ රටට අහිමි වේ.

මැදවච්චය – සජිත් ගයාන් උබේපාල

Related posts

ධම්මික පැණිය ගැන තීරණය සති 2කින්

colombotoday

රේල්පා‍රේ නින්ද ගිය දෙදරු පියා දුම්රියට බිලිවෙයි

Admin

උද්ධමනය අඩුවුණේ 2023 අයවැය සාර්ථකව ක්‍රියාත්මක වූ නිසායි

Admin

කොරියාවෙන් ගේන සල්ලි වියදම් කරන හැටි කියා දෙන්න තලතාගෙන් ක්ලාස් එකක්

colombotoday

සංස්කෘතික අරමුදලේ අරමුණුවලින් බැහැරව මුදල් වැය කරලා – රාජ්‍ය අමාත්‍ය විදුර වික්‍රමනායක “එක රටක් එක නීතියක්” බලකායට කියයි.

colombotoday

කොවිෂීල් එන්නත් මාත්‍රා දෙකම ගත් කුරුණෑගල පිරිසකට කෙරෝනා

colombotoday