පුරාවිද්‍යාඥයින් පිරිසක් විසින් ලොව පැරණිතම බියර් කර්මාන්තශාලාව ලෙස සැලකෙන ස්ථානය ඊජිප්තුවේදී කැණීම සිදුකර මතුකර ගෙන තිබේ.
එය වසර 5,000ක් පමණ පැරණි බවට සාධක හමුවී ඇති බව විදෙස් මාධ්‍ය වාර්තා කරයි.
ඊජිප්තුවේ අබිඩොස් නම් ප්‍රදේශයේ කාන්තාර ප්‍රදේශයකින් එම බියර් නිෂ්පාදනාගාරය හමුවී ඇති අතර ඊජිප්තු සහ අමෙරිකානු පුරාවිද්‍යාඥයින් පිරිසක් සිදුකළ කැණීම්වලදී එය හමුවී තිබේ.
වසර 5,000කට පෙර ඊජිප්තුව පාලනය කළේ නාර්මර් නම් රජෙකි. ඊජිප්තුව එක්සත් කර පළමු රාජ වංශය බිහිකළේ එම රජු ලෙස සැලකේ.
