ජාතික මැතිවරණ කොමිෂන් සභාවේ රැස්වීමක් අද (31) දිනයේ පැවැත්වීමට නියමිතව තිබේ.
නව මැතිවරණ කොමිසම ස්ථාපිත කිරීමෙන් අනතුරුව මැතිවරණ කොමිසම රැස්වන දෙවන අවස්ථාව මෙය වේ.
විශේෂයෙන් මෙහිදි කරුණු කිහිපයක් සාකච්ඡා කිරීමට නියමිත අතර ඡන්ද හිමි නාමලේඛන කටයුතු පිළිබඳව ද සාකච්ඡා කිරීමට නියමිතය.
මේ අතර 2020 වසරේ ඡන්ද හිමි නාමලේඛන පිළිබඳව මෙහිදි වැඩි අවධානයක් යොමුකෙරෙනු ඇත.
ඡන්ද හිමි නාමලේඛන අත්සන් තැබීම් කටයුතු මාර්තු මස 31 වන දිනට පෙර සිදුකිරීමට බලාපොරොත්තු වන බව මැතිවරණ කොමිසමේ නියෝජිතයෙකු සඳහන් කළේය.
කෙසේවෙතත් දැනට හුදකලා කර ඇති ප්‍රදේශවල ඡන්ද නාමලේඛන සලකුණු කිරීමේ කටයුතු සඳහා කාලයක් මේ වන විටත් වෙන් කර තිබේ.