බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත ඊයේ දිනයේ සිදුකළ වැටලීම්වලදී නීතිවිරෝධී මත්ද්‍රව්‍ය ලඟ තබාගත් පුද්ගලයින් 330 දෙනෙකු අත්අඩංගුවට ගෙන ඇති බව වාර්තාවේ
බස්නාහිර පළාත උතුර අපරාධ කොට්ඨාශය හා කොළඹ අපරාධ කොට්ඨාශය විසින් මෙම වැටලීම් සිදුකර තිබේ.
මෙම වැටලීම්වලදී හෙරොයින් මත්ද්‍රව්‍ය ලඟතබාගත් පුද්ගලයින් 149 දෙනෙකු අත්අඩංගුවට ගෙන ඇති අතර ඔවුන් සතුව තිබී හෙරොයින් ග්‍රෑම්250 කට ආසන්න ප්‍රමාණයක් සොයාගෙන තිබේ.
ගංජා, අයිස් ඇතුළු වෙනත් නීතිවිරෝධී මත්ද්‍රව්‍ය හා මත්පැන් ලඟ තබාගත් පුද්ගලයින් 181 දෙනෙකු අත්අඩංගුවට ගත් පිරිස අතර වන බව ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පැවසා සිටයි.