කොටි හිතවාදී සංවිධාන සහ පුද්ගලයන් පිරිසකට මෙරටට ඒම තහනම් කරමින් පසුගිය රාජපක්ෂ රජය විසින් නිකුත් කර තිබූ අති විශේෂ ගැසට් නිවේදනය සංශෝධනය කරමින් ඊයේ (20) රාත්‍රියේ අති විශේෂ ගැසට් නිවේදනයක් නිකුත් කර ඇත.
ඒ අනුව 2014 මාර්තු 21 දින නිකුත් කර තිබූ අදාල 1854/41 දරන ගැසට් නිවේදනයෙන් තහනම් කර තිබූ කොටි හිතවාදී සංවිධාන 17ක. පුද්ගලයන් 424 දෙනෙකුගේ තහනම නව ගැසට් නිවේදනය හරහා සංශෝධනය කර ඇත.
ඊයේ නිකුත්කළ ගැසට් නිවේදනය මෙතනින් බලන්න
ජනධිපතිවරයාගේ ලන්ඩන් සංචාරය අතරතුරදී රජයේ අමත්‍යවරුන් ඇතුළු නියෝජිත පිරිසක් ගෝලීය ද්‍රවිඩ සංසදයේ ප්‍රධානීන් හමුවී ඔවුන්ට ලංකාවේ පනවා ඇති තහනම ඉවත් කරන බව ප්‍රකාශ කර තිබේ. මේ බව එහි ප්‍රධානී එස්.ජේ. එම්මැනුවෙල් පූජකයා විසින් ස්විස්ටර්ලන්ත පුවත්පතකට ප්‍රකාශ කර තිබූ අතර නුදුරේදීම තමන් ලංකාවට පැමිණීමට නියමිත බවද ප්‍රකාශ කර තිබිනි.