මරාගෙන මැරෙන බෝම්බකරුවන් අට දෙනා පරිහරණය කළ බව කියන යතුරුපැදි නවයක් ඇතුළු වාහන 18 ක තොරතුරු බුද්ධි අංශ මගින් හෙළිකරගෙන ඇතැයි වාර්තා වනවා.
වෑන් රථ 6ක්, යතුරුපැදි 9 ක් , මෝටර් රථ දෙකක් සහ කැබ් රථයක්ද ඒ අතර වන බවයි වාර්තා වන්නේ. කිංස්බරි හෝටලය තුළ මරාගෙන මැරෙන බෝම්බය පුපුරුවා ගත් ත්‍රස්තවාදියා නමට වාහන 5 ක් ලියාපදිංචි කර ඇති බවයි අදාළ තොරතුරු හෙළි කරන්නේ.
කුරුණෑගල තෙලියාගොන්න මුස්ලිම් ගම්මානයේ අද අලුයම කළ සෝදිසියකදී කඩ සහ සැකකටයුතු වාහන මෙන්ම ලියකියවිලි තොගයක් අත්අඩංගුවට ගෙන තිබෙනවා. සැක කටයුතු විදේශ ගමන් බලපත්‍ර 32 ක් හා ජංගම දුරකතන ඩී වී ඩි පට හා ලියාපදිංචි නොකළ වෑන් රථ 3 ක් ඒ අතර වනවා.
තංගල්ල මුස්ලිම් ගම්මානය අද විශේෂ සෝදිසියකට ලක් කෙරුණා. පොලිස් නිල සුනඛයන්ද යොදා ගනිමින් අලුයම පහයි තිහේ සිට දහයයි තිහ දක්වා මෙම මෙහෙයුම් සිදු කෙරුණා. ත්‍රිවිධ හමුදා නිලධාරින් පොලිස් නිලධාරින් ඊට එක්ව සිටියා.