ඉදිරියේදී පැවැත්වීමට නියමිත මහ මැතිවරණයට එක්සත් ජනතා නිදහස් සන්ධානය යටතේ තරඟ කිරීමට පොහොට්ටු පක්ෂයේ නිර්මාතෘ බැසිල් රාජපක්ෂ මහතාව එකඟකර ගත් බව අගමැති මහින්ද රාජපක්ෂ මහතා ශ්‍රීලනිප මන්ත්‍රීවරුන් පිරිසකට අද (10) උදැසන පවසා ඇතැයි වාර්තාවේ.
ජනාධිපති මෛත්‍රීපාල සිරිසේන මහතා කල ඉල්ලීමක් මත එවැනි තීරණයක් ගත් බව මහින්ද රාජපක්ෂ මහතා එහිදී පවසා ඇත.
ආණ්ඩුවේ අභ්‍යන්තර ආරංචි මාර්ග වලට අනුව සන්ධානයේ ව්‍යවස්ථාව සංශෝධනය කිරීමට තීරණය කර ඇති ජනාධිපතිවරයා එහි නායකත්ව මහින්ද රාජපක්ෂ මහතාට ලබාදීමටත්, අමාත්‍ය මහින්ද අමරවීර මහතා ඉවත්කර
සන්ධානයේ ලේකම් ධුරයට මහින්ද රාජපක්ෂ මහතාට හිතවත් අයකු පත් කිරීමටත් එකඟත්වය පළකර තිබේ.
ඉදිරියේදී පැවැත්වෙන ඕනෑම මැතිවරණයකදී ශ්‍රී ලංකා පොදුජන පෙරමුණ තරග කරනු ලබන්නේ ‘පොහොට්ටුව’ ලකුණින් බවටත්, වෙනත් කුඩා පක්ෂයක් යටතේ තරග කිරීමට සූදානම් නොමැති බවටත් එම පෙරමුණේ ලේකම් නීතීඥ සාගර කාරියවසම් මහතා පසුගියදා මාධ්‍ය හමුවකදී සිදුකල ප්‍රකාශය ශ්‍රී ලංකා නිදහස් පක්ෂයේ මන්ත්‍රීවරුන්ගේ බලවත් කනස්සල්ලට හේතුවී තිබිණ.
Srilankanmirror