අනුරාධපුර බන්ධනාගාරයේ රදවා සිටින කොටි සැකකරුවන් නිදහස් කිරීම සදහා රජය පියවරෙන් පියවර කටයුතු කරන බවත්, එනිසා තවත් සුළු කාලයක් ඉවසාගෙන සිටින ලෙසත් ද්‍රවිඩ ජාතික සන්ධානයේ පාර්ලිමේන්තු මන්ත්‍රී එම්.ඒ. සුමන්තිරන් මහතා පවසයි.
ඔහු මේ බව සදහන් කළේ උපවාසයේ නිරතව සිටින කොටි සැකකරුවන්ගේ සුවදුක් විමසීමට අනුරාධපුර බන්ධනාගාරයට ගිය අවස්ථාවේදීය.
අනුරාධපුර බන්ධනාගාරයේ රදවා සිටින අතරතුර (17) සිව්වැනි දිනටත් ආහාර වර්ජනයක නිරතව සිටින එල්.ටී.ටී.ඊ. සාමාජිකයින් අට දෙනාගෙන් එක් අයෙකු 16 සවස වැලිකඩ බන්ධනාගාර රෝහල වෙත මාරු කොට යැවීමට බන්ධනාගාර නිලධාරීන් කටයුතු යොදා තිබේ.
සිවසුබ්‍රමනියම් තිල්ලෙයිරාජා නැමති මෙම එල්.ටී.ටී.ඊ.සැකකරු දැනට අවුරුදු අටක පමණ කාලයක් අනුරාධපුර බන්ධනාගාරයේ රදවා සිටින අතර ඔහු දරුණු ලෙස දියවැඩියා රෝගයට ගොදුරු වී සිටින නිසා වැලිකඩ බන්ධනාගාර රෝහල වෙත මාරු කොට යවා තිබේ.