පසුගිය ආණ්ඩුවේ වංචා දූෂණ සිදුකල පුද්ගලයන්ට ජනාධිපති මෛත්‍රීපාල සිරිසේන මහතාගෙන් කිසිදු සමාවක් නැතැයි ධීවර හා ජලජ සම්පත් සංවර්ධන අමාත්‍ය එක්සත් ජනතා නිදහස් සන්ධානයේ මහලේකම් මහින්ද අමරවීර මහතා පවසයි.
” ජනාධිපතිවරයා හොරුන්ට නිසි දඬුවම් දෙනවා. එතුමාගෙන් හොරුන්ට නම් සමාවක් නෑ. හිටපු ආණ්ඩුවේ මේ ආණ්ඩුවේ, ඇමැති මැති, මේ කුමන තරාතිරමේ වුණත් එතුමාට ඒවා අදාළ නෑ. මින් ඉදිරියට ජනාධිපතිවරයා හොරුන්ට දඬුවම් දෙන හැටි දැක්කම හොරුන්ට හොරකම් කරන්න වරක් නොවේ හත්වරක්වත් සිතා බලන්න වෙයි.
ජනාධිපතිවරයා තම ජීවිතයටත් වඩා රට ගැන සිතන නිසා මේ දින දෙක තුළ එතුමා නිවැරැදි තීරණයකට එළඹේවි. ජනතා මතය ගැන අවධානය යොමු කර ලබන සතිය වන විට එතුමා නව මාවතකට ප්‍රවේශයක් ලබා දෙන බව මට විශ්වාසයි” යැයි ද මහ ලේකම්වරයා කියා සිටී.
ඔහු මෙම අදහල් පලකළේ ඊයේ (16) මට්ටක්කුලිය සී-නෝර් යාත්‍රාංගණයේ දී පැවැති අඩි 59 ට වඩා දිග නවීන තාක්ෂණයෙන් යුත් ධීවර යාත්‍රා දෙකක් දියඹට එක් කිරීමේ උත්සවයේ දීය.