බොදුබල සේනා සංවිධානයේ මහ ලේකම් පූජ්‍ය ගලගොඩඅත්තේ ඥානසාර හිමියන් ඇතුලූ 13 දෙනෙකුට අද අභියාචනාධිකරණයෙන් නොතීසි නිකුත් කෙරුණා. ඒ නීතිපතිවරයා විසින් ගොනුකළ පෙත්සමක් සළකා බැලීමෙන් අනතුරුවයි.
ගලගොඩඅත්තේ ඥානසාර හිමි ඇතුලූ 13 දෙනෙකුට එරෙහිව ගොනුකළ පෙත්සමක් සළකා බැලීමෙන් අනතුරුව ජනවාරි 20 වැනිදා අභියාචනාධිකරණයේ පෙනී සිටින ලෙස මෙලෙස නොතීසි නිකුත් කෙරුණා. 2008 වසරේදී තලාහේන අරලිය උයනේ කල්වාරි ආගමික දේවස්ථානයට බලහත්කාරයෙන් ඇතුලූ වී දේපළවලට අලාභහානි සිදුකිරීම මේ පිරිසට එල්ල වී ඇති චෝදනාවයි.
ඊට අදාලව මහාධිකරණයේ විභාග වූ නඩුවෙන් 2014 වසරේදී චූදිතයන් නිදොස්කොට නිදහස් කෙරුණා. එම තීන්දුව අභියෝගයට ලක්කරමින් නීතිපතිවරයා විසින් අභියාචනාධිකරණයේ ගොනුකළ පෙත්සම සළකා බලමින් රෝහිණී වල්ගම සහ කුමුදුනී වික‍්‍රමසිංහ යන විනිසුරුවරියන් මෙම නියෝගය ලබාදුන්නා.