විරැකියාවෙන් පෙළෙන අයට රැකියාවක් ලබා දීම කිසිවිටෙකත් දූෂණ ක්‍රියාවක් නොවන බව උසස් අධ්‍යාපන සහ මහා මාර්ග ඇමති අධිනීතීඥ ලක්ෂ්මන් කිරිඇල්ල මහතා ඊයේ මහනුවරදී පැවති මාධ්‍ය හමුවකදී පැවසීය.
මාර්ග සංවර්ධන අධිකාරියේ තම හිතවතුන් 65 දෙනාට රැකියා ලබා දී ඇත්තේ සම්මුඛ පරීක්ෂණ කැදවා සුදුසුකම් පරීක්ෂා කර බැලීමෙන් පසුව බවද හෙතෙම පැවසීය.
සුදුසුකම් සපුරා නොමැති අයට මාර්ග සංවර්ධන අධිකාරිය මගින් රැකියා ලබාදී ඇති බවට ජනතා විමුක්‌ති පෙරමුණ සහ දූෂණ විරෝධී පෙරමුණ නඟන චෝදනාවල කිසිදු සත්‍යතාවක්‌ නැතැයි ද කිරිඇල්ල මහතා පැවසීය.
1948 දී ශ්‍රී ලංකාවට නිදහස ලැබීමෙන් පසු මේ දක්වා බලයට පත්වූ සෑම ආණ්‌ඩුවක්‌ම රැකියා නැති අයට රැකියා ලබාදුන් බව සිහිපත් කළ හෙතෙම නීත්‍යනුකූල පදනමකින් රැකියා ලබාදී තිබේ නම් එහි ඇති වරද කුමක්‌ දැයි ප්‍රශ්න කර සිටියේය.
මාර්ග ඉදිකිරීමේදී විවිධ සාමාජයීය ප්‍රශ්න මතුවන බව පෙන්වා දුන් ඇමැතිවරයා මෙම උපදේශකයන් පත්කර ඇත්තේ එම ගැටලු නිරාකරණය කර ගැනීමට බව පෙන්වා දුන්නේය.