ආණ්ඩු පක්ෂය නියෝජනය කරන ප්‍රධාන දේශපාලන පක්ෂයක කිහිප දෙනෙකු “ඒකාබද්ධ විපක්ෂය” නමින් කටයුතු කිරීම නීතියට, සදාචාරයට මෙන්ම මාධ්‍ය ආචාර ධර්මලට පටහැණි බව පාර්ලිමේන්තු මන්තු ප්‍රතිසංස්කරණ හා ජනමාධ්‍ය අමාත්‍යාංශය පවසයි.
එහි නව ලේකම් නීතිඥ නිමල් බෝපගේ මහතාගේ අත්සනින් යුතුව නිකුත් කළ නිවේදනයක දැක්වෙන්නේ, ඒකාබද්ධ විපක්ෂය නමින් සිදු කෙරෙන ප‍්‍රවර්ධනයන් දෝෂ සහගත බව කතානායකවරයා විසින්ද අවධාරණය කර ඇති බැවින් එය ප‍්‍රවර්ධනය කිරීම සඳහා දායකවීම තුළින් අනවශ්‍ය, අහිතකර හා නීතිවිරෝධී පූර්වාදර්ශයක් සමාජගත විය හැකි බවයි.
ඇතැම් මාධ්‍ය ආයතන හා මාධ්‍යවේදීන් කිසිදු වගවිභාගයකින් තොරව ඒකාබද්ධ විපක්ෂය යන්න ප‍්‍රවර්ධනය කිරීම සදහා අනුබල දෙමින් සිටින බව වාර්තා වී ඇතැයිද ජනමාධ්‍ය අමාත්‍යාංශය නිකුත් කළ නිවේදනයේ සඳහන්වේ.
