ඇමරිකානු ජනපති ඩොනල්ඩ් ට්‍රම්ප් විසින් පනවන ලද ආන්දෝලනාත්මක බදු සම්බන්ධයෙන් ගතයුතු ඉදිරි පියවරයන් සාකච්ඡා කිරීම සඳහා සර්වපාක්ෂික සමුළුවක් කැඳවන ලෙස විපක්ෂ නායක සජිත් ප්‍රේමදාස ඊයේ (08) මෙන්ම අද (09) ද පාර්ලිමේන්තුවේ දිගින් දිගටම හඬ නැගීය.
කෙසේ වෙතත්, අද වාර්තා වූයේ මේ ඉල්ලීම පිළිබඳ අවධානය යොමු කරමින් ඇමරිකානු තීරුබදු ගැටළුව සහ එහි ශ්‍රී ලංකාවට ඇති බලපෑම පිළිබඳ සාකච්ඡා කිරීම සඳහා ජනාධිපතිවරයා විසින් සියලුම විපක්ෂ පක්ෂ නායකයින්ට සර්ව පාක්ෂික සමුළුවක් සඳහා ආරාධනා කර ඇති බවයි.