දුම්රිය රියැදුරන් පිරිසගේ වෘත්තීය සමිති ක්‍රියාමාර්ගයක් හේතුවෙන් සියලු මාර්ගවල දුම්රිය ගමන්වාර කිහිපයක් අවලංගු කිරීමට සිදුවන බව දුම්රිය දෙපාර්තමේන්තුව පවසයි.
මේ හේතුවෙන් මන්දගාමි දුම්රිය ගමන්වාර අවලංගු වීමේ වැඩි හැකියාවක් පවතින බව දුම්රිය දොපාර්තමේන්තුව සඳහන් කරයි.
කාර්යාල දුම්රියන් කිහිපයක් ද මේ හේතුවෙන් අවලංගු විය හැකි අතර ධාවනයට එක්කෙරෙන සියලු දුම්රියන් ද ප්‍රමාද වී ධාවනය කිරීමට සිදුවන බව එම දෙපාර්තමේන්තුව පවසයි.
කොළඹ විදුලි බලවේග ධාවනාගාර සහ බලවේග ධාවනාගාර දුම්රිය සේවකයින් ඊයේ (11) රාත්‍රී 12 සිට වෘත්තීය සමිති ක්‍රියාමාර්ගයක් ආරම්භ කළේ ය.
ඒ, බඳවා ගැනීමේ සහ විශ්‍රාම ගැන්වීමේ ගැටලු කිහිපයක් මුල්කරගනිමිනි.