පුත්තලම නගරයේ නිවසක තිබූ රුපියල් ලක්ෂ 27ක් පමණ වටිනා රන් භාණ්ඩ සොරා ගෙන ගිය සැකකාරිනියක සහ සැකකරුවෙකු ඊයේ (21) දින අත්අඩංගුවට ගෙන තිබේ.
රන් වළලු 4ක්, රන් මාල 2ක්, රන් තැලි 2ක්, රන් පෙන්ඩන්ට් 2ක්, රන් මුදු 6ක්, රන් කරාබු ජෝඩු 5ක් සහ රිදී මුදු 4ක් සමග ඔවුන් දෙදෙනා අත්අඩංගුවට ගෙන ඇති බව පොලිසිය සදහන් කරයි.
අත්අඩංගුවට ගත් සැකකරු සහ සැකකාරිය අවුරුදු 41 සහ 31 වයස්වල පසුවන පුත්තලම ප්‍රදේශයේ පදිංචි අඹු සැමි යුවළකි.
සැකකරු සහ සැකකාරිය අද (22) දින පුත්තලම මහේස්ත්‍රාත් අධිකරණය වෙත ඉදිරිපත් කිරීමට නියමිත ය.
සිද්ධිය සම්බන්ධයෙන් පුත්තලම පොලිසිය වැඩිදුර විමර්ශන සිදු කරයි.