මත්ද්‍රව්‍ය විශාල තොගයක් රැගත් තවත් විදේශිය ධීවර යාත්‍රාවක් ජාත්‍යන්තර මුහුදේදී නාවික හමුදා භාරයට ගෙන තිබේ.
එම යාත්‍රාවේ තිබී උර 9ක් තුළ පැකට් 225ක් ලෙස අසුරන ලද මෙම මත්ද්‍රව්‍ය තොගයේ බර කිලෝග්‍රෑම් 250ක් පමණ වෙතැයි නාවික හමුදා පවසයි.
එම ධීවර යාත්‍රාවක් සිටි විදෙස් සැකකරුවන් 06 දෙනෙකු සමඟ අත්අඩංගුවට ගෙන ඇති බව නාවික හමුදාව පවසයි.
ශ්‍රී ලංකා නාවික හමුදාවට ලද බුද්ධි තොරතුරක් මත පොලිස් මත්ද්‍රව්‍යනාශක කාර්යාංශය හා එක්ව නාවික හමුදාව විසින් ශ්‍රී ලංකාවට නාවික සැතපුම් 900ක් ඈත මුහුදේ මෙම විශේෂ මෙහෙයුම සිදුකර තිබේ.
එම මත්ද්‍රව්‍ය රැගත් විදේශීය ධීවර යාත්‍රාව සහ එම යාත්‍රාවේ සිටි විදේස් ජාතික සැකකරුවන් 06 දෙනා මේ වන විට ශ්‍රී ලංකා නාවික හමුදා නෞකාවක ආරක්ෂාව යටතේ ගොඩබිම වෙත රැගෙන එමින් සිටින බව වාර්තා වෙයි.