අයිස් හා ගංජා මත්ද්‍රව්‍ය ජාවාරමේ යෙදී සිටි සැකකරුවන් 5 දෙනෙකු වත්තල ප්‍රදේශයේදී අත්අඩංගුවට ගෙන තිබේ.
ඒ, පෑලියගොඩ කොට්ඨාස අපරාධ විමර්ශන කාර්යාංශයේ නිලධාරීන් පිරිසක් කළ මෙහෙයුමකින් ය.
සැකකරුවන් සතුව තිබී අයිස් මත්ද්‍රව්‍ය මිලි ග්‍රෑම් 550ක් ගංජා කිලෝ ග්‍රෑම් 9ක් සොයාගෙන තිබේ.
මත්ද්‍රව්‍ය විකිණීමෙන් උපයාගත් රුපියල් 71,000 ක්ද ඔවුන් සතුව තිබී පොලිස් භාරයට ගැනිණි.
අවුරුදු 25 ත් 40 ත් අතර වයස්වල පසුවන සැකකරුවන් වත්තල, මාබෝල හා පෑලියගොඩ ප්‍රදේශවල පදිංචිකරුවන් ය.
මේ අතර මිහිජය සෙවන, තලංගම, අඟුලාන හා බොරැල්ල ප්‍රදේශවලදී හෙරෝයීන් ජාවාරම් කළ තවත් සැකකරුවන් 4 දෙනෙකු අත්අඩංගුවට ගෙන තිබේ.
ඔවුන් සතුව තීබී හෙරෝයින් ග්‍රෑම් 23 ක් සොයා ගෙන ඇති අතර සැකකරුවන් අධිකරණවලට ඉදිරිපත් කිරීමට නියමිත ය.