ගිරිබාව පොලිස් වසමේ තිඹිරිපොකුණ ප්‍රදේශයේදී මහජන සෞඛ්‍ය පරීක්ෂකවරයෙකුගේ රාජකාරියට බාධාකළ පුද්ගලයින් දෙදෙනෙකු ගිරිබාව පොලීසිය විසින් අත්අඩංගුවට ගෙන තිබේ.
ආදළ පුද්ගලයින් දෙදෙනා ඊයේ (02) උදෑසන අත්අඩංගුවට ගෙන ඇත.
පොලිස් මාධ්‍ය ප්‍රකාශක කාර්යාලය සඳහන් කළේ, මුඛ ආවරණ පැලඳ නොසිටි අදාළ පුද්ගලයින් දෙදෙනාට ඒ සම්බන්ධයෙන් අවවාද කිරීමේ දී ඔවුන් විසින් මහජන සෞඛ්‍ය පරීක්ෂකවරයාට පරුෂ වචනයෙන් බැනවැදී අතින් පහරදීමක් සිදුකර ඇති බවය.
අදාළ සිද්ධිය සම්බන්ධයෙන් අත්අඩංගුවටගත් සැකකරුවන් අවුරුදු 24 හා 42 යන වයස්වල පසුවන තිඹිරිපොකුණ හා අශෝකපුර ප්‍රදේශවල පදිංචිකරුවන් බව පොලීසිය පවසයි.
එලෙස අත්අඩංගුවටගත් පුද්ගලයින් දෙදෙනා ගල්ගමුව මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන 6 වනදා දක්වා රක්ෂිත බන්ධනාගාරගත කර තිබේ.