ඇමරිකානු රාජ්‍ය දෙපාර්තමේන්තුවේ උපදේශක තෝමස් ශැනන් අද (14දා) ශ්‍රී ලංකාවට පැමිණීමට නියමිත බව ඇමරිකානු තානාපති කාර්යාලය පවසයි.
තෝමස් ශැනන් දින දෙකක් ශ්‍රී ලංකාවේ රැදී සිටින අතර ඇමරිකානු ආධාර යටතේ මෙරට ක්‍රියාත්මකවන ව්‍යාපෘති පිළිබද සොයා බලනු ඇත.
ඇමරිකානු උපදේශකවරයා ශ්‍රී ලංකා විදේශ අමාත්‍යවරයා ඇතුළු පිරිසක් සමග සාකච්ඡා පැවැත්වීමටද නියමිතය.
ඔහු සමග දකුණු සහ මධ්‍යම ආසියා කටයුතු පිළිබද නියෝජ්‍ය සහකාර රාජ්‍ය ලේකම් මන්ප්‍රීත් සිංද පැමිණෙනු ඇත.