Colombo Today Local News

ලාදුරු රෝගීන්ගේ වැඩිවීමක්

ලාදුරු රෝගය සමාජයේ ව්‍යාප්ත වීමේ අවදානමක් පවතින බව ලාදුරු මර්දන ව්‍යාපාරයේ අධ්‍යක්ෂ වෛද්‍ය ප්‍රසාද් රණවිර පවසයි. මේ වසරේ ගතවූ කාලය තුළදී ලාදුරු රෝගීන් පන්සිය පනස් හත්දෙනකු වාර්තා වී තිබේ.

මින් වැඩිම සංඛ්‍යාවක් වාර්තා වී ඇත්තේ මඩකලපුව දිස්ත්‍රික්කයෙන් වන අතර එම සංඛ්‍යාව අසුපහකි. මෙම අසු පහෙන්ද සියයට විසිපහක් ළමුන් බව වෛද්‍ය ප්‍රසාද් රණවීර පවසයි.

බස්නාහිර පළාතෙන්ද ලාදුරු රෝගීන් වැඩිවශයෙන් හමුවී ඇති අතර මේ වනවිට සමාජයේ ලාදුරු රෝගීන් පන්දහසක් පමණ සැඟවී සිටින බවද ලාදුරු මර්දන ව්‍යාපාරයේ අධ්‍යක්ෂවරයා පැවසීය. එසේම පසුගිය වර්ෂවලදී වාර්ෂිකව ලාදුරු රෝගීන් දෙදහසක් පමණ සමාජයෙන් හමුවූ බවත් ලාදුරු සඳහා රෝහල්වල ඖෂධ ඇති බවත් ලාදුරු මර්දන ව්‍යාපාරය සඳහන් කරයි.

විශේෂයෙන්ම ලාදුරු තවත් කෙනකුට බෝවීම සිදු වන්නේ ස්වසන මාර්ගයෙන් බවත් එම නිසා ඒ පිළිබඳව සැලකිලිමත්වීම වැදගත් බවත් වෛද්‍යවරයා පෙන්වා දෙයි. වසර පහක පමණ කාලයක් ලාදුරු වෛරසය ශරීරයේ පවතින බවත් එය මතුපිටින් පෙන්නුම් කරනු ලබන්නේ ඉන් පසුව බවත් වෛද්‍ය ප්‍රසාද් රණවීර වැඩිදුරටත් සඳහන් කළේය.

Related posts

ප්‍රවීණ නර්තන ශිල්පී කුලසිරි බුදවත්ත මහතා අභාවප්‍රාප්ත වෙයි

colombotoday

තිබුණ දේත් නැතිවෙලා… බලාපොරොත්තු සුන් වෙලා… වෙනසට මුලපිරූ FUTA කළකිරිලා

colombotoday

ශ්‍රී ලංකා සංචාරක ප්‍රවර්ධන කාර්යාංශය වෙළෙඳ කුටියේ පීත්ත පටිය කපන්න ලක්ෂ 10ක් වැය කරලා

Admin

සාස්තරකාරියට ලිංගික අතවර කර නිරුවත ගුරුකම් ප්‍රචාරයට යොදා ගත් ගුරුන්නාන්සේ දරුවෝ දෙන හැටි

colombotoday

කල්පිටියේ දුපතක තිබූ කේරළ ගංජා කිලෝ 31 නාවික හමුදාව සොයා ගනී

colombotoday

රනිල් ශ්‍රීලනිප ඇමතිලා ලවා කොස්ඇට බාවනවා..

colombotoday