ජාත්‍යන්තර සිරකරු සුබසාදන දිනයට සමගාමීව බන්ධනාගාරගතව සිටින රැඳවියන් 417 දෙනෙකුට විශේෂ රාජ්‍ය සමාවක් ප්‍රදානය කර තිබේ.
ව්‍යවස්ථානුකූලව ජනාධිපතිවරයාට පැවැරි ඇති බලතල යටතේ මෙම විශේෂ රාජ්‍ය සමාව ලබා දී ඇත.
නිවේදනයක් නිකුත් කරමින් බන්ධනාගාර දෙපාර්තමේන්තුව සඳහන් කළේ, 2022.09.12 වන දිනට සිර දඬුවම් විඳින රැඳවියන්හට ගත කරන ලද වසරකට හා ඉන් කොටසකට මාස 2 බැගින් 165 දෙනෙකුට සමාව ලබාදී ඇති බවයි.
දඩ මුදල් ගෙවීමට නොහැකිව බන්ධනාගාරගතව සිටින රැඳවියන් 252 දෙනෙකුට සමාව ලබා දී ඇත්තේ, ගෙවමින් පවතින දඬුවමේ ඉදිරි ශේෂය අහෝසි කිරීමේ පදනම මත බව බන්ධනාගාර දෙපාර්තමේන්තුව සඳහන් කරයි.