මොරගහකන්ද ජලාශයේ ජලය උතුරු පළාතට ලබා දෙන විට එම ව්‍යාපෘතියේ කොටසක අයිතිය උතුරු පළාත් සභාවටද ලබාදිය යුතු බවට ප්රධාන අමාථය සී.වී. විග්නේශ්වරන් ඉල්ලීමක් කර තිබෙනවා.
මොරගහකන්ද ජලාශයෙන් උතුරු පළාතට ලැබෙන ප්‍රතිලාභ පිළිබදව එම පළාතේ දේශපාලන අධිකාරිය දැනුවත් කිරීම සදහා ජපානයේ ජයිකා ආයතනයේ නිලධාරීන් සමග යාපනයේදී පැවති සාකච්ඡාවකදීය ප්රධාන ඇමතිවරයා මෙම ඉල්ලීම කර ඇත්තේ.
මෙම අවස්ථාවට උතුරු පළාත නියෝජනය කරන පාර්ලිමේන්තු සහ පළාත්සභා මන්ත්‍රීවරුද සහභාගී වී ඇති අතර, උතුරු පළාත් සභාවේ දෙමළ ජාතික සන්ධාන මන්තී‍්‍ර එම් කේ සිවාජිලිංගම් පවසන්නේ මධ්‍යම රජය සහ උතුරු පළාත් සභාව මේ සම්බන්ධයෙන් ගිවිසුමකට අත්සන් කලයුතු යැයි අදාළ යෝජනාව ඉදිරිපත් කරමින් පළාත් ප්රධාන අමාත්‍යවරයා අවධාරණය කර ඇති බවයි.
ර
මධ්‍යම රජයට පමණක් මොරගහකන්ද ජලාශයේ ජලය උතුරට හැරවීමේ තනි අයිතිය ලැබුණහොත් දකුණේ ජනතාව උතුරේ පදිංචිකරමින් නව ජනපද ඇති කිරීමට රජය කටයුතු කළ හැකි බැවින් ප්රධාන අමාත්‍යවරයා මෙම යෝජනාව ඉදිරිපත් කළ බවද ඔහු ප‍්‍රකාශ කර ඇත.