Colombo Today Local News

සේරුවිල විහාරාධිපති තනතුර කොටපොළ අමරකිත්ති හිමියන්ට – අධිකරණය තහවුරු කරයි

සේරුවිල විහාරාධිපති තනතුර කොටපොළ අමරකිත්ති හිමියන්ට බව කොළඹ දිසා අධිකරණය තහවුරු කරතිබේ.

සේරුවිල මංගල රජ මහා විහාරයේ විහාරාධිපති ධුරය සම්බන්ධයෙන් කොළඹ දිසා අධිකරණයේ පැවැති නඩු දෙකක දී කොළඹ දිසා විනිසුරුතුමිය විසින් අළුදෙණියේ සුබෝධි හිමියන් එම විහාරස්ථානයේ විහාරාධිපති ලෙස පෙනී සිටීම සඳහා කරන ලද ඉල්ලීම ප්‍රතික්ෂේප කරමින් ඒ සම්බන්ධව වූ අතුරු තහනම් නියෝගය නිකුත් කිරීම ප්‍රතික්ෂේප කරන ලදි.

ඒ අනුව ශ්‍රී ලංකා අමරපුර මහා නිකායේ කල්‍යාණවංශ පාර්ශවයේ මහනායක හිමියන් ඇතුළු උත්තරීතර විධායක සභාව විසින් එකී විහාරයේ විහාරාධිපති ලෙස කොටපොළ අමරකිත්ති හිමියන් පත් කිරීම සම්බන්ධව වූ තීරණයට එරෙහිව වූ වාරණ නියෝගය ද විසුරුවා හරින ලදි.

කොටපොළ අමරකිත්ති හිමියන්ගේ පත් වීම බෞද්ධ කටයුතු කොමසාරිස් ජනරාල්වරයා විසින් ද පිළිගෙන ඇති අතර උන් වහන්සේ සේරුවිල මංගල රජ මහා විහාරයේ විහාරාධිපතිව වැඩ සිටි දඹ ගස් ආරේ සුමේධාලංකාර හා සේරුවිල සරණකිත්ති හිමිවරුන්ගේ ශිෂ්‍ය භික්ෂූන් වහන්සේ නමක් වේ.

කොටපොළ අමරකිත්ති හිමියන් දැනට කොළඹ 07, බෞද්ධාලෝක මාවතේ, සේරුවිල බෞද්ධ මධ්‍යස්ථානයේ විහාරාධිපතිව වැඩ වාසය කරන අතර සුප්‍රසිද්ධ අනුරාධපුර පිච්චමල් පූජාවේ නිර්මාතෘ ද වේ.

නිකායේ මහනායක හිමියන්, සංඝ සභාව හා කොටපොළ අමරකිත්ති හිමියන් වෙනුවෙන් නීතිඥ සඳමාලි රත්නායක, ධරණී වීරසිංහ, චතුර ගල්කේන, සඳුන් ගමගේ හා ජනාධිපති නීතිඥ මනෝහර ද සිල්වා යන නීතිඥ මණ්ඩලය පෙනී සිටින ලදී.

Related posts

දිවි පිදු රණවිරුවන් වෙනුවෙන් රුක්‍ රෝපණ වැඩසටහනක්

colombotoday

සුමන්තිරන්ට පාර්ලිමේන්තුවේ ලොකු පුටුවක් !

colombotoday

නෞකාවේ බොර තෙල් කාන්දුවක් නැහැ.. මුහුදේ ඇති ඩිසල් පැල්ලමට ගුවනින් රසායන ද්‍රව්‍ය ඉසියි

colombotoday

පොලීසිය ගනන්හදලා කිවුවා 10 වෙනි මාසේ නොවෙයි 11 වෙනි මාසේ කියලා. – බාල වයස්කාර මෙහෙකාර හුටපටෙන් රිෂාඩ් බදුර්දීන් බේරේයි ද?

colombotoday

තරුණයෙක්ගේ ගිණුමට රුපියල් මිලියන 136ක් | මුදල් විශුද්ධිකරණ පනත යටතේ අත්අඩංගුවට

colombotoday

ඩිජිටල් ආර්ථික වැඩපිළිවෙළ ගැන ජනපති වාර්තාවක් ඉල්ලයි

Admin