බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට, පොලිස් අධිකාරීවරයෙකුට සහ තවත් පොලිස් නිලධාරීන් දෙදෙනෙකුට පහර දී තුවාල සිදු කිරීම සහ පොලිස් කැබ් රථයකට අලාභ හානි සිදු කිරීම සම්බන්ධව සැකකරුවන් අත්අඩංගුවට ගැනීම සඳහා පොලීසිය මහජන සහය ඉල්ලයි.
නිවේදනයක් නිකුත් කරමින් ඔවුන් පවසන්නේ, මෙම සිද්ධියට අදාළව සමීප අවේක්ෂණ දර්ශන සහ විමර්ශනයන්හිදී ලබා ගත් වීඩියෝ දර්ශන ඇසුරින් අදාල පහරදීම් හා පොලිස් කැබ් රථයකට හානි කළ ප්‍රධාන ක්‍රියාකාරීන් ලෙස හඳුනාගත් පුද්ගලයින්ගේ අනන්‍යතාවයන් තහවුරු කර ගැනීම සඳහා පොලිසිය මහජන සහය පතන බවයි.
ඒ අනුව පහත ඡායරූපවල සිටින පුද්ගලයින් සම්බන්ධයෙන් තොරතුරු වේ නම් 07108591735, 0718592735, 0718591733 යන දුරකථන අංක වෙත දැනුම් දෙන ලෙස පොලිසිය සඳහන් කරයි.
